යාපනයේ සිට වවුනියාව දක්‌වා හදිසි රෝගියකු රැගෙන එන ලද ගිලන් රථයක කාර්ය මණ්‌ඩලය පසුගිය සිකුරාදා (13 දා) ගිලන් රථය අතරමග ස්‌ථානයක නවතා අයිස්‌ ක්‍රීම් කමින් විනෝද වූ සිද්ධියක්‌ සම්බන්ධයෙන් වහාම පරීක්‍ෂණයක්‌ පවත්වන මෙන් උතුරේ ස්‌වෙච්ඡා සංවිධානයක්‌
උතුරු පළාත් සෞඛ්‍ය අධ්‍යක්‍ෂවරයාගෙන් ඉල්ලීමක්‌ කොට තිබේ.
මෙම චෝදනාවලින් වැඩිම චෝදනා සංඛ්‍යාවක්‌ ඉදිරිපත්වී ඇත්තේ වවුනියාව මහ රෝහලේ කාර්ය මණ්‌ඩලයට එරෙහිවය.
මීට පෙර තම සංවිධානය විසින් ඉදිරිපත් කරන ලද චෝදනා සම්බන්ධයෙන් කිසිදු පරීක්‍ෂණයක්‌ නොපැවැත්වීම කෙරෙහි උතුරේ රෝගීන් ආරක්‍ෂා කිරීමේ සංවිධානය සිය කනගාටුවද ප්‍රකාශ කොට තිබේ.
දිනසේන රතුගමගේ
