ශ්‍රී ලංකාව සහ ඉන්දියාව අතර කොළඹ එස්.එස්.සී. ක්‍රීඩාංගණයේ පැවැත්වෙන දෙවන ටෙස්ට් තරගයේදී ශ්‍රී ලංකා වේග පන්දු යවන ක්‍රීඩක අසිත ප්‍රනාන්දු සමග ඇති වූ උණුසුම් මතභේදය සම්බන්ධයෙන් ඉන්දීය ආරම්භක පිතිකරු යශස්වි ජයිස්වාල් අදහස් දක්වා තිබේ.

ඉන්දීය ක්‍රිකට් කණ්ඩායමේ හිටපු නායකයෙකු සහ ප්‍රධාන පුහුණුකරුවෙකු වන රාහුල් ද්‍රවිඩ්, වයස අවුරුදු 15ක් වන නැගී එන සුපිරි පිතිකරු වෛභව් සූර්යවංශි අනාගත ටෙස්ට් ක්‍රිකට් ක්‍රීඩාවේ පුනර්ජීවනය උදෙසා ප්‍රධාන සාධකයක් විය හැකි බව ප්‍රකාශ කරයි. යුරෝපීය ටී-20 ප්‍රීමියර් ලීග් තරගාවලියේ ඩබ්ලින් ගාඩියන්ස් කණ්ඩායමේ සම හිමිකරුවෙකු ලෙස එක්වෙමින් ඩබ්ලින්හි පැවැති මාධ්‍ය හමුවකදී අදහස් දැක්වූ ද්‍රවිඩ් සඳහන් කළේ, මෙම නව යොවුන් ක්‍රීඩකයාගේ කෙටි පන්දු වාර තරග රටාවල සාර්ථකත්වය සහ දීර්ඝ පන්දු වාර තරග රටාවේ අත්දැකීම් අතර නිසි සමබරතාවක් පවත්වා ගැනීම ඉතා වැදගත් වන බවයි.

ශ්‍රී ලංකා ජාතික ක්‍රිකට් කණ්ඩායමේ නව පිතිකරණ පුහුණුකරු ලෙස හිටපු ප්‍රබල පිතිකරු හෂාන් තිලකරත්න මහතා පත් කිරීමට පියවර ගෙන තිබේ. මෙම වසරේ අගෝස්තු මස 20 වැනිදා සිට ක්‍රියාත්මක වන අදාළ පත්වීම ලබන වසරේ දෙසැම්බර් මස 31 වැනිදා දක්වා බලපැවැත්වෙනු ඇත.

ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැති පළමු ටෙස්ට් තරගයෙන් ශ්‍රී ලංකා කණ්ඩායම ලකුණු 165කින් පරාජය කිරීමට සංචාරක ඉන්දීය කණ්ඩායම සමත් විය. 2026 අගෝස්තු 15 සිට 19 දක්වා පැවැති මෙම තරගයේ ජයග්‍රහණයත් සමඟ තරග දෙකකින් සමන්විත ටෙස්ට් තරගාවලිය 1-0ක් ලෙස පෙරමුණ ගැනීමට ඉන්දියාවට හැකි විය.

බෙංගාල ප්‍රාන්ත සහ ඩෙල්හි කැපිටල්ස් අයි.පී.එල් කණ්ඩායම් නියෝජනය කරන ප්‍රබල ක්‍රිකට් ක්‍රීඩක අභිෂේක් පොරෙල් (Abishek Porel) අත්අඩංගුවට ගෙන තිබේ. විවාහ වන බවට අසත්‍ය පොරොන්දු දී ලිංගික සබඳතා පැවැත්වීම, ස්ත්‍රී දූෂණය, පහරදීම, නිවසේ සිරකර තැබීම, තර්ජනය කිරීම සහ තොරතුරු තාක්ෂණ පනත උල්ලංඝනය කිරීම ඇතුළු බරපතල චෝදනා කිහිපයක් මුල් කරගනිමින් මෙම අත්අඩංගුවට ගැනීම සිදුකර ඇත.

ශ්‍රී ලංකා ජාතික ක්‍රිකට් කණ්ඩායමේ හිටපු ප්‍රධාන පුහුණුකරු චන්දික හතුරුසිංහ මහතාගේ සේවය හදිසියේ අවසන් කිරීමට එරෙහිව පැනනැඟුණු නීතිමය ආරවුල සමථයකට පත්කර ගැනීමට ශ්‍රී ලංකා ක්‍රිකට් ආයතනය පියවර ගෙන තිබේ. ඒ අනුව, ස්විට්සර්ලන්තයේ ක්‍රීඩා බේරුම්කාර අධිකරණයේ ගොනු කර තිබූ පැමිණිල්ල කොන්දේසි සහිතව ඉල්ලා අස්කර ගැනීමට එකඟ වීම පදනම් කරගනිමින්, ඔහුට ඇමරිකානු ඩොලර් 164,000ක (මෙරට මුදලින් රුපියල් කෝටි හයකට ආසන්න) වන්දි මුදලක් ගෙවීමට ක්‍රිකට් පාලක මණ්ඩලය එකඟතාව පළ කර ඇත.

ශ්‍රී ලංකා ක්‍රිකට් ආයතනයේ 2025 වසරට අදාළ මූල්‍ය ප්‍රකාශන හා නීතිමය පූර්වාපේක්ෂාවන් සම්බන්ධයෙන් සිදුකළ නවතම විගණන පරීක්ෂණයකින් එහි ප්‍රධාන ව්‍යාපෘති ගණනාවක සිදුව ඇති බරපතල අක්‍රමිකතා, පාරදෘශ්‍යභාවය පිළිබඳ ගැටලු සහ නීතිමය අඩුපාඩු රැසක් අනාවරණය වී තිබේ. ආර්.

2026 ලංකා ප්‍රිමියර් ලීග් (LPL) ක්‍රිකට් තරගාවලියේ තරග පාවාදීමේ චෝදනා මත ක්‍රීඩා සම්බන්ධ වැරදි වැළැක්වීමේ ශ්‍රී ලංකා පොලිස් විශේෂ විමර්ශන ඒකකය විසින් අත්අඩංගුවට ගනු ලැබූ ජැෆ්නා කින්ග්ස් (Jaffna Kings) කණ්ඩායමේ සම අයිතිකරු ඇතුළු සැකකරුවන් දෙදෙනා එළඹෙන ජූලි මස 31 වැනිදා දක්වා රක්ෂිත බන්ධනාගාරගත කිරීමට කොළඹ ප්‍රධාන මහේස්ත්‍රාත් අසංග එස්. බෝදරගම මහතා නියෝග කර තිබේ.

ක්‍රිකට් ඉතිහාසයේ බිහිවූ විශිෂ්ටතම තුන්ඉරියව් ක්‍රීඩකයා ලෙසින් සැලකෙන ශ්‍රීමත් ගාෆීල්ඩ් සෝබර්ස් (ගාෆීල්ඩ් සෙන්ට් ඔබ්‍රන් සෝබර්ස්) වසර 89ක් ආයු වළඳා 2026 ජූලි 17 වැනිදා අභාවප්‍රාප්ත විය. බාබඩෝස් හි ශාන්ත මයිකල් කලාපයට අයත් හයිගේට් ගාඩ්න්ස් හි පිහිටි සිය නිවසේදී ඔහු සාමකාමීව අවසන් හුස්ම හෙළා ඇත.

ජාත්‍යන්තර ක්‍රිකට් කවුන්සිලය විසින් ශ්‍රී ලංකා ක්‍රිකට් ආයතනයේ නිලවරණය හැකි ඉක්මනින් පවත්වන ලෙස බලධාරීන්ට උපදෙස් ලබා දී තිබේ. ශ්‍රී ලංකා ක්‍රිකට් ආයතනයේ ආණ්ඩුක්‍රම ව්‍යවස්ථාව සංශෝධනය කිරීමේ කටයුතු සම්බන්ධයෙන් යම් ප්‍රගතියක් පෙන්නුම් කළ ද, මේ මොහොතේ ශ්‍රී ලංකා ක්‍රිකට් ආයතනයට ජාත්‍යන්තර ක්‍රිකට් කවුන්සිලයේ මණ්ඩල රැස්වීම් නියෝජනය කිරීමේ අයිතිය තවදුරටත් අහිමිව පවතින බව එම සංගමය වැඩිදුරටත් පෙන්වා දෙයි.

2026 කාන්තා විස්සයි20 ලෝක කුසලාන ක්‍රිකට් තරගාවලියේ ශූරතාව දිනා ගැනීමට ඕස්ට්‍රේලියානු කාන්තා ක්‍රිකට් කණ්ඩායම සමත් විය. අවසන් මහා තරගයේදී එංගලන්ත කණ්ඩායම පරාජය කරමින් ඕස්ට්‍රේලියාව මෙම ජයග්‍රහණය වාර්තා කළ අතර, ඔවුන් විස්සයි20 ලෝක කුසලාන ඉතිහාසයේ ශූරතාව දිනාගත් 7වැනි අවස්ථාව මෙයයි.

බටහිර ඉන්දීය කොදෙව් දූපත්හි සංචාරයක නිරත ශ්‍රී ලංකා කණ්ඩායම සහ කොදෙව් කණ්ඩායම අතර පැවැත්වෙන දෙවන ටෙස්ට් ක්‍රිකට් තරගය අද (03) ඇන්ටිගුහාහිදී ආරම්භ වීමට නියමිතව ඇත. දෙරට අතර පැවැති පළමු ටෙස්ට් තරගයෙන් ඉනිමකින් සහ ලකුණු 217ක දැවැන්ත පරාජයකට මුහුණ දීමට ශ්‍රී ලංකා කණ්ඩායමට සිදු විය.

ඇන්ටිගුවා හි නෝර්ත් සවුන්ඩ් ක්‍රීඩාංගණයේදී පැවැති දෙරට අතර පළමු ටෙස්ට් ක්‍රිකට් තරගයෙන් ශ්‍රී ලංකා කණ්ඩායම අන්ත පරාජයකට ඇද දමන්නට සත්කාරක බටහිර ඉන්දීය කොදෙව් ක්‍රීඩකයෝ සමත් වූහ. තරගයේ සිව්වැනි දිනයේ දීම නිමාව දුටු මෙම සටනින් කොදෙව් පිල ඉනිමක සහ ලකුණු 217ක දැවැන්ත ජයග්‍රහණයක් තමන් සතු කරගත්තේය.

වයස අවුරුදු දහපහක් වූ ඉන්දීය යොවුන් ක්‍රිකට් තරුවක් වන වෛභව් සූරියවංශි, ඉන්දීය ජ්‍යෙෂ්ඨ ජාතික ක්‍රිකට් කණ්ඩායම නියෝජනය කරමින් සිය මංගල තරගාවලියට එක්වීමට සූදානමින් සිටියි. අයර්ලන්තය සහ එංගලන්තය සමඟ පැවැත්වෙන තරගාවලි මෙන්ම ආසියානු ක්‍රීඩා උළෙල සඳහා ද නම් කර ඇති මෙම දක්ෂ පිතිකරු, මේ වන විට සිය පළමු ඉන්දීය ජාතික ක්‍රිකට් කණ්ඩායමේ නිල ඇඳුම පැළඳ සිටින අතර, තමා බොහෝ කාලයක සිට මෙම මොහොත වෙනුවෙන් සිහින මැවූ බව හැඟීම්බරව ප්‍රකාශ කර ඇත.

දඹුල්ලේදී පැවැති තුන්කොන් ‘ඒ’ කණ්ඩායම් ක්‍රිකට් තරගාවලියේ අවසාන මහා තරගයෙන් ශ්‍රී ලංකා ‘ඒ’ කණ්ඩායම ලකුණු 66කින් පරාජය කරමින් ඉන්දු ‘ඒ’ කණ්ඩායම විශිෂ්ට ශූරතාවක් දිනා ගැනීමට සමත් විය. මුළු තරගාවලිය පුරාම තමන්ට ආවේණික දක්ෂතා අතරට පැමිණීමට අපොහොසත් වූ 15 හැවිරිදි වෛභව් සූරියවංශි, ඉරිදා (ජුනි 21) පැවැති මෙම තීරණාත්මක තරගයේදී ප්‍රවේගකාරී ඉනිමක් ක්‍රීඩා කරමින් ඉන්දීය කණ්ඩායමේ ජයග්‍රහණයේ ප්‍රධාන නියමුවා බවට පත් විය.

ශ්‍රී ලංකාවේ පැවැත්වෙන 2026 ඒ කණ්ඩායම් තුන්කොන් ක්‍රිකට් තරගාවලිය අතරතුර ඉන්දීය 'ඒ' කණ්ඩායමේ යොවුන් පිතිකරු වෛභව් සූර්යවංශි මුහුණ දෙන දැඩි විවේචන හමුවේ ඔහු වෙනුවෙන් පෙනී සිටීමට ඉන්දීය 'ඒ' කණ්ඩායමේ නායක තිලක් වර්මා කටයුතු කර තිබේ. ජ්‍යෙෂ්ඨ මට්ටමේ ක්‍රිකට් ක්‍රීඩාවට හැඩගැසීමට 15 හැවිරිදි මෙම ක්‍රීඩකයාට ප්‍රමාණවත් කාලයක් ලබා දිය යුතු බව පවසන වර්මා, ප්‍රේක්ෂකයින්ගෙන් සහ විචාරකයින්ගෙන් ඉල්ලා සිටින්නේ ඔහු කෙරෙහි අනවශ්‍ය බලාපොරොත්තු සහ පීඩනයන් පට නොබඳින ලෙසයි.

දඹුල්ලේදී පැවැති තුන්කොන් ක්‍රිකට් තරගාවලියේ ශ්‍රී ලංකා ‘ඒ’ සහ ඉන්දියා ‘ඒ’ කණ්ඩායම් අතර පසුගිය සඳුදා පැවැති තරගය අතරතුර ඇති වූ උණුසුම්කාරී තත්ත්වයක් හේතුවෙන් ශ්‍රී ලංකා ‘ඒ’ කණ්ඩායමේ විෂේන් හලඹගේ සහ ඉන්දීය ‘ඒ’ කණ්ඩායමේ පිතිකරු වෛභව් සූර්යවංශී යන ක්‍රීඩකයින්ට දඬුවම් පැනවීමට නිර්දේශ කර ඇති බව වාර්තා වේ.

දඹුල්ලේදී පැවැති තුන්කොන් එක්දින ක්‍රිකට් තරගාවලියේ ඉන්දීය 'ඒ' සහ ශ්‍රී ලංකා 'ඒ' කණ්ඩායම් අතර තරගයෙන් අනතුරුව, ඉන්දීය පිතිකරු වෛභව් සූර්යවංශි සහ ශ්‍රී ලංකා ක්‍රීඩකයින් කිහිපදෙනෙකු අතර උණුසුම් වචන හුවමාරුවක් සිදුව තිබේ. සුපිරි පන්දුවාරය (Super Over) දක්වා ඇදී ගිය මෙම තීරණාත්මක තරගයෙන් ශ්‍රී ලංකා 'ඒ' කණ්ඩායම ජයග්‍රහණය වාර්තා කිරීමත් සමඟ පිටියේ මෙම නොසන්සුන්කාරී තත්ත්වය හටගෙන ඇත.

කින්ග්ස්ටන්හිදී පැවැති පළමු විස්සයි20 තරගයෙන් ලැබූ පරාජයෙන් පසු ප්‍රබල ලෙස යළි අවදි වූ ශ්‍රී ලංකා කණ්ඩායම, තුන් ඉරියව්වෙන්ම දක්ෂතා දක්වමින් බටහිර ඉන්දීය කොදෙව් පිල පරදා ලකුණු 37ක විශිෂ්ට ජයක් ලබා ගැනීමට සමත් විය. මෙම ජයග්‍රහණයත් සමඟ දෙරට අතර පැවැත්වෙන විස්සයි20 තරගාවලිය එකට එකක් ලෙස සම තත්ත්වයට පත් කර ගැනීමට ශ්‍රී ලංකාවට හැකි විය.

නවසීලන්ත ක්‍රිකට් කණ්ඩායමේ ප්‍රබලතම ක්‍රීඩකයෙකු වන කේන් විලියම්සන් වහාම ක්‍රියාත්මක වන පරිදි ජාත්‍යන්තර ක්‍රිකට් පිටියෙන් සමුගැනීමට තීරණය කර තිබේ. මේ සමඟින් වසර 16කට ආසන්න කාලයක් පුරා විවිධ තරඟ රටාවන් ඔස්සේ තරඟ 378කට ක්‍රීඩා කරමින් ඔහු දියත් කළ අතිවිශිෂ්ට ක්‍රිකට් ජීවිතයට තිත තැබෙනු ඇත.