පසුගියදා පිළියන්දල ප්රදේශයේ පැවැති, කලාකරුවන් 400 දෙනෙකු පමණ සහභාගී වූ උපන්දින සාදයකදී ජනප්රිය රංගන ශිල්පිනී සංජානා ගමආරච්චි තෝරාගෙන තිබූ ඇඳුම් විලාසිතාව සම්බන්ධයෙන් මේ වන විට සමාජ මාධ්ය තුළ දැඩි ආන්දෝලනාත්මක සංවාදයක් නිර්මාණය වී තිබේ. නිරන්තරයෙන් සිය සිරුරේ අලංකාරය ඉහළින් පවත්වාගනිමින් විලාසිතා කරන්නියක වන ඇය, එදින උඩුකය ප්රදේශය විවෘත වන පරිදි නිර්මාණය කරන ලද ඇඳුමකින් සැරසී සිටි අතර, ඊට යටින් යට ඇඳුමක් භාවිත කර නොතිබීම බොහෝ දෙනෙකුගේ විවේචනයට ලක් විය.
මීට පෙර ගායන ශිල්පිනී උමාරියා සම්බන්ධයෙන් පැවති සිදුවීමේ උණුසුම බැසයමින් පවතිද්දී මතුවූ මෙම සිද්ධිය, සීමා මායිම් නැති සමාජ මාධ්ය ජාල තුළ ඇයට දැඩි බැණුම් එල්ල වන තත්ත්වයක් දක්වා වර්ධනය විය.ජාත්යන්තරය දෙස බැලීමේදී ප්රසිද්ධ චරිත තමන්ගේ පෞරුෂයට ගැලපෙන ඕනෑම ඇඳුමක් නිර්භයව තෝරාගන්නා අතර, ශ්රී ලංකාව තුළද ඇඳුම් පැළඳුම් තේරීම යනු පුද්ගලික කැමැත්ත මත සිදුවන්නකි. කෙසේ වෙතත්, මෙරට පවතින සංස්කෘතික සීමාවන් හමුවේ මෙම විලාසිතාව කෙරෙහි යම් සංස්කෘතිකමය විවේචනයක් අපහාස කර ඉදිරිපත් කර තිබිණි.
මෙලෙස එල්ල වූ දැඩි විවේචන හමුවේ සංජානා ගමආරච්චි සිය නිල ෆේස්බුක් ඇතුළු සමාජ මාධ්ය ගිණුම් හරහා ඉතා සංවේදී ප්රකාශයක් නිකුත් කරමින් සිය කණගාටුව පළ කර සමාව අයැද සිටියාය. තමන් ජීවත් වන්නේ ශ්රී ලංකාවේ බැවින් මුලින්ම ආදරයෙන් සමාව ඉල්ලන බව සඳහන් කළ ඇය, මෙම ඇඳුම වෙනත් රටක සිටියදී අන්තර්ජාලය ඔස්සේ ඇණවුම් කරන ලද්දක් බවත්, මීට පෙර විදේශයන්හිදී භාවිත කර තිබුණද ලංකාවේදී පැළඳි පළමු වතාව මෙය බවත් පැහැදිලි කළාය.
එමෙන්ම තමන්ගේ මෙම විලාසිතාව නිසා යම් අයෙකුගේ සිතට අපහසුතාවයක්, තරහක් හෝ වෛරයක් ඇති වූයේ නම් ඒ සියලු දෙනාගෙන්ම හදවතින්ම සමාව ඉල්ලන බවත්, ප්රේක්ෂකයින්ගේ ආදරය සහ මතයන් තමන්ට සෑමවිටම ඉතා වටිනා බවත් ඇය වැඩිදුරටත් සඳහන් කර තිබිණි.
