සමාජ මාධ්ය ඔස්සේ සංසරණය වූ අමානුෂික වීඩියෝ පටයකට අදාළව, කුඩා දරුවන් දෙදෙනෙකුට සැහැසි ලෙස පහරදීමේ සිදුවීම සම්බන්ධයෙන් 26 හැවිරිදි පුද්ගලයෙකු පින්නවල පොලීසිය මගින් අත්අඩංගුවට ගෙන තිබේ. බලංගොඩ, පින්නවල ප්රදේශයේ පදිංචිකරුවෙකු වන මෙම සැකකරු අගෝස්තු 19 වැනිදා රාත්රියේ මෙසේ පොලිස් භාරයට ගෙන ඇත.
අදාළ සැකකරු විසින් සිව් හැවිරිදි ගැහැණු දරුවෙකුට සහ හත් හැවිරිදි පිරිමි දරුවෙකුට පහරදෙන අතරතුර එම දර්ශන වීඩියෝගත කර තිබේ. මෙම දර්ශන පෙළ සමාජ මාධ්ය ජාල තුළ හුවමාරු වීමත් සමග මහජනතාව අතර දැඩි විරෝධයක් මතුවූ අතර, ඒ ඔස්සේ ලැබුණු තොරතුරු මත වහා ක්රියාත්මක වූ පොලීසිය විමර්ශන ආරම්භ කර සැකකරු අත්අඩංගුවට ගැනීමට කටයුතු කළේය.
පහරදීමට ලක්වූ කුඩා දරුවන් දෙදෙනා වෛද්ය පරීක්ෂණ සඳහා බලංගොඩ රෝහල වෙත ඇතුළත් කර ඇත. සිද්ධියට අදාළ පසුබිම අනාවරණය කර ගැනීමට මෙන්ම සැකකරුට එරෙහිව ඉදිරි නීතිමය ක්රියාමාර්ග ගැනීම සඳහා පින්නවල පොලීසිය වැඩිදුර විමර්ශන මෙහෙයවනු ලබයි.