එක්සත් ජාතික පක්ෂයේ වත්මන් කෘත්යාධිකාරී මණ්ඩලය තුළ බරපතළ අර්බුදකාරී තත්ත්වයක් නිර්මාණය වී ඇති බව හිටපු අමාත්ය සහ වත්මන් පාර්ලිමේන්තු මන්ත්රී රවී කරුණානායක මහතා ප්රකාශ කරයි. කොළඹදී පැවැති විශේෂ මාධ්ය හමුවකට එක්වෙමින් ඒ මහතා සඳහන් කළේ පක්ෂයේ වත්මන් කෘත්යාධිකාරී මණ්ඩලය තුළට භූතයන්ගේ පුතුන් රිංගා ඇති බවයි.
වසර ගණනාවක් තිස්සේ දැඩි කැපවීමෙන් පක්ෂය වෙනුවෙන් සේවය කළ ජ්යෙෂ්ඨ සාමාජිකයන් සම්පූර්ණයෙන්ම පසෙකට තල්ලු කරමින්, මෙම අතළොස්සක් වූ පිරිස පක්ෂයේ ඉහළ තනතුරු සහ තීරණ ගැනීමේ බලතල ඩැහැගෙන ඇති බවද මන්ත්රීවරයා මෙහිදී අවධාරණය කළේය.ආශු මාරසිංහ මහතා පක්ෂයෙන් ඉවත් කර ඇති බව දැක්වෙන නිවේදනයක් සමාජ මාධ්ය ඔස්සේ සංසරණය වීම පිළිබඳව මාධ්යවේදියෙකු නැඟූ ප්රශ්නයකට පිළිතුරු දෙමින් රවී කරුණානායක මහතා මෙම අදහස් පළ කර සිටියේය. එහිදී ඔහු වැඩිදුරටත් කියා සිටියේ තමන් වත්මන් නායක රනිල් වික්රමසිංහ මහතාට පසුව පක්ෂයේ සිටින ජ්යෙෂ්ඨතම පුද්ගලයා වන අතර, වර්තමානයේ අලියා ලකුණින් පාර්ලිමේන්තුව නියෝජනය කරන එකම මන්ත්රීවරයාද තමන් බවයි. කෘත්යාධිකාරී මණ්ඩලය තුළ භූතයන්ගේ පුතුන් රැඳී සිටීම හේතුවෙන්, ඇතැම් පුද්ගලයන් එක්සත් ජාතික පක්ෂය තමන්ගේ අන්තිම කැමැත්ත පරිදි තමන්ගේ නමට උරුම කරගෙන තිබේද යන ප්රශ්නය මේ වන විට පැනනැඟී ඇති බවද ඔහු සඳහන් කළේය.
පක්ෂය අභ්යන්තරයේ විවිධ ගැටලු සහ විවේචන පැවතියද, වත්මන් නායකත්වය යටතේ මෙම ප්රධාන දේශපාලන බලවේග දෙක ඉතා ඉක්මනින්ම එකම පොදු පෙරමුණකට පැමිණෙනු ඇතැයි මන්ත්රීවරයා විශ්වාසය පළ කරයි. එලෙස දෙපාර්ශවය ඒකාබද්ධ වීමෙන් අනතුරුව, දැවැන්ත සහ නොබිඳිය හැකි දේශපාලන ශක්තියකින් යුතුව ඉදිරි සියලු මැතිවරණ සඳහා සාර්ථකව මුහුණ දීමට හැකියාව ලැබෙන බවද රවී කරුණානායක මහතා වැඩිදුරටත් අවධාරණය කළේය.
