සැකකරුට එරෙහිව ප්රධාන වශයෙන්ම චෝදනා එල්ල වී ඇත්තේ රජයේ වැය ශීර්ෂයන් උල්ලංඝනය කරමින් නීතිවිරෝධී ලෙස ද්විත්ව වැටුප් ලබා ගැනීම සම්බන්ධයෙනි. ඒ අනුව, 2022 වසරේදී විශ්රාමික ජනාධිපතිවරයෙකු වූ ගෝඨාභය රාජපක්ෂ මහතාගේ ලේකම්වරයෙකු ලෙස කටයුතු කරන අතරතුරදීම, රනිල් වික්රමසිංහ මහතා ජනාධිපති ධූරය දැරූ එම කාල සීමාව තුළදීම ජනාධිපති ලේකම් කාර්යාලයේ ව්යාපෘති අධ්යක්ෂවරයෙකු වශයෙන්ද කටයුතු කරමින් මොහු වැටුප් දෙකක් ලබාගෙන ඇති බව අනාවරණය වී තිබේ. මෙම ක්රියාව පොදු දේපළ පනතේ 5 (1) වගන්තිය මෙන්ම දණ්ඩ නීති සංග්රහය යටතේ දණ්ඩනීය වැරදි වන බව විමර්ශන නිලධාරීන් විසින් අධිකරණය හමුවේ පෙන්වා දෙන ලදී.
අද පෙරවරුවේ ජාත්යන්තර මූල්ය අරමුදලේ (IMF) නිලධාරීන් සහ ඒකාබද්ධ විපක්ෂයේ සාමාජිකයින් අතර පැවැති විශේෂ සාකච්ඡාවකට සහභාගී වී ආපසු පැමිණෙමින් සිටියදී සුගීෂ්වර බණ්ඩාර මහතා මෙලෙස පොලිස් අත්අඩංගුවට පත්ව ඇත.
මේ අතර, ඔහු අදාළ තනතුරු දරන සමයේදී රජයේ වාහන අවභාවිතා කිරීම සහ එහි සේවකයින් තමන්ගේ පෞද්ගලික දේශපාලන කටයුතු සඳහා යොදවා ගැනීම සම්බන්ධයෙන්ද තවත් විමර්ශන කිහිපයක් ක්රියාත්මක වන බව පොලීසිය පවසයි. මධ්යම අපරාධ විමර්ශන කාර්යාංශය විසින් මෙම සිද්ධීන් සම්බන්ධයෙන් වැඩිදුර පරික්ෂණ මෙහෙයවනු ලබයි.
