පේරාදෙණිය විශ්වවිද්යාලයේ විද්යා පීඨයේ ප්රථම වසරේ ඉගෙනුම ලබමින් සිටි සිසුන් දෙදෙනෙකු නීතිවිරෝධී මත්ද්රව්ය සහ විදේශීය දුම්වැටි තොගයක් ද සමඟ විශ්වවිද්යාලයේ විනයාරක්ෂක නිලධාරීන් කණ්ඩායමක් විසින් අත්අඩංගුවට ගෙන තිබේ. මෙලෙස ආරක්ෂක අංශ භාරයට ගත් සැකකාර සිසුන් දෙදෙනා ඉදිරි විමර්ශන කටයුතු සිදු කිරීම සඳහා පේරාදෙණිය පොලිස් ස්ථානය වෙත භාර දීමට පියවර ගෙන ඇත.
විශ්වවිද්යාල පරිශ්රය තුළ මත්ද්රව්ය භාවිත කිරීම සහ ඒවා අලෙවි කිරීමේ ජාවාරමක මෙම සිසුන් නිරත වන බවට විනයාරක්ෂක අංශ වෙත තොරතුරක් ලැබී තිබිණි. එම තොරතුරට අනුව ක්රියාත්මක වූ නිලධාරීන් කණ්ඩායමක් ඊයේ (24) මධ්යම රාත්රී 12.30 ට පමණ මාකස් ප්රනාන්දු නේවාසිකාගාරයේ ඔවුන් රැඳී සිටි කාමරය හදිසි පරීක්ෂාවකට ලක් කර ඇති අතර, එහිදී මෙම වැටලීම සාර්ථකව සිදු කර ඇත.
අත්අඩංගුවට පත්වන අවස්ථාවේදී මෙම සිසුන් සතුව තිබී හෂීස් මත්ද්රව්ය මිලිග්රෑම් 7530ක් සහ විදේශ රටවලින් මෙරටට රැගෙන ආ දුම්වැටි 40ක් සොයා ගැනීමට විනයාරක්ෂක නිලධාරීන්ට හැකි වී තිබේ. පොලිස් වාර්තාවලට අනුව 23 වැනි වියේ පසුවන මෙම සිසුන් දෙදෙනා කෝට්ටේ සහ මීරිගම යන ප්රදේශවල පදිංචිකරුවෝ වෙති.
කාමරය පරීක්ෂා කිරීමේදී එක් සිසුවෙකු සන්තකයේ තිබී හෂීස් මත්ද්රව්ය මිලිග්රෑම් 3410ක් සහ විදේශීය දුම්වැටි 20ක් සොයාගෙන ඇති අතර, අනෙක් සිසුවා සන්තකයේ තිබී හෂීස් මිලිග්රෑම් 4120ක් සහ තවත් විදේශීය දුම්වැටි 20ක් බැගින් නිලධාරීන් විසින් සොයාගෙන ඇත.
මීට පෙර අවස්ථාවකදී ද පේරාදෙණිය විශ්වවිද්යාලයේ නේවාසිකාගාරයක් තුළදී මත්ද්රව්ය ළඟ තබාගෙන සිටි සිසුවෙකු අත්අඩංගුවට පත්ව තිබුණි. වර්තමානයේ විශ්වවිද්යාල ශිෂ්ය ප්රජාව අතර මත්ද්රව්ය භාවිතයේ සීඝ්ර වර්ධනයක් පවතින බවට ලැබෙන බුද්ධි තොරතුරු සැළකිල්ලට ගනිමින්, මෙවැනි නීතිවිරෝධී ක්රියාවන් මැඩපැවැත්වීම සඳහා ඉදිරියටත් මෙවැනි හදිසි වැටලීම් අඛණ්ඩව ක්රියාත්මක කරන බව විශ්වවිද්යාල විනයාරක්ෂක අංශ අවධාරණය කරයි.
