එක්සත් ජනපදය සහ ඊශ්රායලය විසින් ඉරානයට එල්ල කරන ලද ඒකාබද්ධ ගුවන් ප්රහාරවලට සෘජු ප්රතිචාර දැක්වීමක් වශයෙන්, අප්රේල් 1 වන දින ඉරානය විසින් ෂාහෙඩ්-136 (Shahed-136) ඩ්රෝන යානා යොදාගනිමින් එක්සත් අරාබි එමීර් රාජ්යයේ පිහිටි ඇමේසන් වෙබ් සර්විසස් (AWS) දත්ත මධ්යස්ථාන දෙකකට ප්රහාර එල්ල කරන ලදී. මීට අමතරව බහරේනයේ පිහිටි තවත් AWS මධ්යස්ථානයකට ද මෙම ප්රහාර මාලාවෙන් අතුරු හානි සිදුවිය.
සන්නද්ධ ගැටුමක් අතරතුර රාජ්ය පාර්ශවයක් විසින් වාණිජ ක්ලවුඩ් දත්ත මධ්යස්ථාන ඉලක්ක කරගනිමින් භෞතිකව එල්ල කළ ප්රථම තහවුරු කළ හමුදාමය ප්රහාරය ලෙස මෙය වාර්තා වන අතර, මෙයින් ගෝලීය ඩිජිටල් යටිතල පහසුකම්වල ඇති අවදානම දැඩි ලෙස ඉස්මතු වී ඇත. මේ වනවිට ඩුබායි හා අවට එම සේවා ලබාගන්නා ඩිජිටල් පද්ධති අකර්මන්යවී ඇතැයි වාර්තාවේ. ඇතැම්විට මහජනතාවගේ සුරක්ෂිත දත්ත විශාල වශයෙන් විනාශවී දැරිය නොහැකි හානියක් සිදුව ඇතැයිද වාර්තා පළව තිබේ.මෙම ප්රහාරයන් නවීන යුධකරණයේ හැරවුම් ලක්ෂ්යයක් සනිටුහන් කරන අතර, ඉරානයේ ඉස්ලාමීය විප්ලවවාදී මුර භට බලකාය (IRGC) සහ ඔවුන්ගේ රාජ්ය මාධ්ය වන Fars සහ Tasnim පුවත් සේවා සඳහන් කළේ මෙම දත්ත මධ්යස්ථාන නීත්යානුකූල හමුදාමය ඉලක්කයන් වන බවයි. එක්සත් ජනපද හමුදා සහ බුද්ධි අංශ මෙහෙයුම් සඳහා මෙන්ම යුධ සමාකරණයන් උදෙසා කෘත්රිම බුද්ධි ආකෘති (Anthropic සමාගමේ Claude වැනි) ක්රියාත්මක කිරීමට මෙම මධ්යස්ථාන සහාය දක්වන බවට ඔවුහු චෝදනා කළහ. තවද, ගල්ෆ් කලාපයේ පිහිටි Google, Microsoft, Nvidia, Oracle සහ IBM ඇතුළු තවත් එක්සත් ජනපද තාක්ෂණික සමාගම් 18කට වැඩි ප්රමාණයක යටිතල පහසුකම් ඉදිරියේදී තම ඉලක්ක ලැයිස්තුවට ඇතුළත් කර ඇති බවට ඉරානය විසින් දැඩි අනතුරු ඇඟවීම් නිකුත් කර තිබේ.
අලුයම එල්ල වූ ඩ්රෝන ප්රහාර හේතුවෙන් එක්සත් අරාබි එමීර් රාජ්යයේ දත්ත මධ්යස්ථානවලට ගිනි ගැනීම්, ව්යුහාත්මක හානි සහ විදුලිය බිඳවැටීම් වැනි බරපතල භෞතික හානි සිදුවූ අතර, ගිනි නිවීමේ කටයුතු හේතුවෙන් තවත් ජල හානි ද සිදුවිය. මෙහි ප්රතිඵලයක් ලෙස ගල්ෆ් කලාපය පුරා ඩිජිටල් සේවාවන් අඩාල වූ අතර, First Abu Dhabi Bank, Emirates NBD සහ ADCB වැනි ප්රධාන බැංකුවල ජංගම යෙදුම් සහ ඩිජිටල් බැංකුකරණ කටයුතු ද, Careem වැනි බෙදාහැරීමේ සේවාවන් සහ ව්යාපාරික මෘදුකාංග ද මාර්තු 3 සිට 6 දක්වා දැඩි බිඳවැටීමකට ලක්විය. කෘත්රිම බුද්ධිය සහ දත්ත කළමනාකරණය අතින් ගෝලීය කේන්ද්රස්ථානයක් වීමට ගල්ෆ් රටවල් දරන උත්සාහයට මෙය දැඩි ආර්ථික බලපෑමක් එල්ල කර ඇත.
මෙම තත්ත්වයට ප්රතිචාර දක්වමින් එක්සත් ජනපදය සහ ඊශ්රායලය විසින් ටෙහෙරානයේ පිහිටි දත්ත මධ්යස්ථාන දෙකකට (ඉන් එකක් IRGC සංවිධානයට සම්බන්ධිතය) ප්රතිප්රහාර එල්ල කර ඇති බව වාර්තා වන අතර, අප්රේල් මස මුල් භාගය වන විට බහරේනයේ පිහිටි AWS මධ්යස්ථානයට ද යළිත් වරක් ප්රහාරයක් එල්ල වූ බවට තොරතුරු අනාවරණය වී ඇත. අතීතයේදී තෙල් පිරිපහදු හෝ විදුලි බලාගාර වැනි මර්මස්ථාන වෙත එල්ල වූ ප්රහාරයන්ට සමාන අයුරින් අද වන විට බටහිර තාක්ෂණික ආධිපත්යයේ සංකේතයන් වන මෙම මිලධික දත්ත මධ්යස්ථාන යුධමය ඉලක්ක බවට පත්ව ඇත. මේ හේතුවෙන් සිවිල් සහ වාණිජ දත්ත මධ්යස්ථාන අතිශය වැදගත් යටිතල පහසුකම් ලෙස සලකා ඒවා මිසයිල ප්රහාරවලින් ආරක්ෂා කරගැනීම සඳහා විශේෂිත ආරක්ෂක පද්ධති ස්ථාපිත කිරීමේ දැඩි අවශ්යතාවයක් මතුව ඇති බව නීති සහ ආරක්ෂක විශේෂඥයෝ පෙන්වා දෙති.
