ඇම්බියන් කැපිටල් පී.එල්.සී. සමාගම සිය අනුබද්ධිත ඇම්බියන් එසෙන්ෂල්ස් (පෞද්ගලික) සමාගම ඔස්සේ, හරිශ්චන්ද්ර මිල්ස් පී.එල්.සී. සමාගමේ බහුතර කොටස් හිමිකාරිත්වය මිලදී ගැනීම සඳහා ගිවිසුමකට එළඹ ඇත.
කොළඹ කොටස් වෙළෙඳපොළට ඉදිරිපත් කළ වෙළෙඳපොළ හෙළිදරව්වකින් සමාගම මේ බව දැනුම් දී තිබේ. ඒ අනුව, 2026 ජනවාරි 24 වැනි දින කොටස් විකිණීමේ සහ මිලදී ගැනීමේ ගිවිසුමකට (SSPA) අත්සන් තබා ඇත. මෙමගින්, හරිශ්චන්ද්ර මිල්ස් පී.එල්.සී. හි නිකුත් කර ඇති මුළු ඡන්ද හිමි කොටස් ප්රමාණයෙන් දළ වශයෙන් 51.11% ක් නියෝජනය කරන සාමාන්ය ඡන්ද හිමි කොටස් 981,118 ක් මිලදී ගැනීමට නියමිතය. මෙම කොටස් මිලදී ගනු ලබන්නේ ආයෝජකයින් කණ්ඩායමකින් ස්වේච්ඡා මිලදී ගැනීමේ යෝජනාවක් (voluntary offer) හරහාය.
කෙසේ වෙතත්, මෙම යෝජිත අත්පත් කර ගැනීම සඳහා අවශ්ය නියාමන අනුමැති ලබා ගත යුතුව ඇත.
තවද, ඇම්බියන් එසෙන්ෂල්ස් සමාගම හරිශ්චන්ද්ර මිල්ස් පී.එල්.සී. හි ඉතිරිව ඇති සාමාන්ය ඡන්ද හිමි කොටස් සියලුම කොටස් හිමියන්ගෙන් මිලදී ගැනීම සඳහා ස්වේච්ඡා පිරිනැමීමක් කිරීමට අපේක්ෂා කරන බවද නිවේදනය කර තිබේ. එය, අත්පත් කර ගැනීම් සහ ඒකාබද්ධ කිරීම් නීති සංග්රහයට මෙන්ම අනෙකුත් අදාළ රෙගුලාසිවලට අනුකූලව සිදු කෙරෙනු ඇත.
මෙම ස්වේච්ඡා පිරිනැමීමේ මිල සහ කොන්දේසි ඇතුළු සම්පූර්ණ විස්තර, නියාමන නිෂ්කාශනයෙන් අනතුරුව ඉදිරියේදී දැනුම් දෙනු ඇති බව සමාගම වැඩිදුරටත් සඳහන් කළේය.
ඇම්බියන් කැපිටල් වෙබ් අඩවියට අනුව Chairman ලෙස Dr. Sajeeva Narangoda සහ Executive Director / Group CEO Mr. Savanth Sebastian සමාගමේ කටයුතු කරති.