අල්ලස් හෝ දූෂණ චෝදනා විමර්ශන කොමිෂන් සභාවට අපහාස වන අයුරින් කටයුතු කළ බවට එල්ල වී ඇති චෝදනාවක් මත හිටපු පාර්ලිමේන්තු මන්ත්රීවරුන් වන නන්දන ගුණතිලක සහ උදය ගම්මන්පිල යන මහත්වරුන්ට එරෙහිව එම කොමිෂන් සභාව විසින් විධිමත් විමර්ශනයක් ආරම්භ කර තිබේ.
මෙම විමර්ශනය දියත් කිරීමට පියවර ගෙන ඇත්තේ 'අල්ලසට, දූෂණයට සහ නාස්තියට එරෙහි පුරවැසි බලය' නමැති සිවිල් සමාජ සංවිධානය විසින් ඉදිරිපත් කරන ලද පැමිණිල්ලක් පදනම් කරගෙන බව වාර්තා වෙයි.අදාළ හිටපු මන්ත්රීවරුන් දෙපළ විසින් සිදු කරන ලද ප්රකාශ හෝ ක්රියාමාර්ග මගින් කොමිෂන් සභාවට අපහාසයක් සිදුවී ඇති බවට සැක කෙරෙන අතර, සිවිල් සංවිධාන විසින් විධිමත් පැමිණිල්ලක් ගොනු කිරීමෙන් අනතුරුව මෙම පරීක්ෂණ කටයුතු ආරම්භ කළ බව කොමිසමේ නිලධාරීන් තහවුරු කර ඇත.
අල්ලස් කොමිසමේ අධ්යක්ෂ ජනරාල් රංග දිසානායක මහතා මීට පෙර ප්රකාශ කර තිබුණේ, තමන්ගේ හැසිරීම හෝ වෘත්තීය ක්රියාකලාපය සම්බන්ධයෙන් යම් ගැටලුවක් පවතින්නේ නම් සාක්ෂි සහිතව අධිකරණ සේවා කොමිෂන් සභාව වෙත පෙත්සම් ඉදිරිපත් කිරීමට මෙම මන්ත්රීවරුන්ට හැකියාව තිබූ බවයි. එසේ නිසි ක්රියාමාර්ග නොගෙන ප්රසිද්ධියේ පදනම් විරහිත චෝදනා එල්ල කිරීමේ අරමුණ අල්ලස් කොමිසම කෙරෙහි පවතින මහජන විශ්වාසය පළුදු කිරීම බව ද හෙතෙම පෙන්වා දුන්නේය.
විශේෂයෙන්ම අධ්යක්ෂ ජනරාල්වරයා ජනතා විමුක්ති පෙරමුණේ නීති කමිටුවට සම්බන්ධ බවට හිටපු මන්ත්රී නන්දන ගුණතිලක මහතා මෑතකදී එල්ල කළ චෝදනාවට කිසිදු පදනමක් නොමැති බව කොමිෂන් සභාව වැඩිදුරටත් අවධාරණය කරයි.
Comments
Post a Comment
Your comment will be visible after approval