ට්‍රම්ප්ගේ සමීපතමයෙකු වෙඩි තබා ඝාතනය කිරීම නිසා ඇමරිකාවේ කැළඹීමක්

ඇමරිකාවේ කොන්සර්වෙටිව් දේශපාලන ක්‍රියාකාරිකයෙකු, කතුවරයෙකු සහ මාධ්‍යවේදියෙකු වූ චාර්ලි කර්ක් මහතා 2025 සැප්තැම්බර් 10 වන දින ඇමරිකාවේ යූටා ප්‍රාන්තයේ ඕරම්හි යූටා වැලි විශ්වවිද්‍යාලයේදී (Utah Valley University in Orem, Utah) වෙඩි තැබීමකින් ඝාතනය විය. මිය යන විට ඔහු 31 වැනි වියෙහි පසුවිය.

ටර්නිං පොයින්ට් යූඑස්ඒ (Turning Point USA) සංවිධානය විසින් සංවිධානය කරන ලද මෙම විවාද සභාවේදී ඔහු ඝාතනයට ලක් වූ අතර, මෙම අවස්ථාවට තුන්දහසක් පමණ පිරිසක් සහභාගී වී සිටියහ. මෙම සිදුවීමෙන් පසු ඔහු රෝහල් ගත කළද ඔහුගේ ජීවිතය බේරා ගැනීමට නොහැකි විය. වෙඩි තැබීමට භාවිතා කරන ලදැයි විශ්වාස කරන රයිෆලයක් අසල තිබී සොයාගෙන ඇති අතර, වෙඩි තැබීමෙන් පසුව සැකකරු කැලෑ ප්‍රදේශයකට පලා ගොස් ඇති බවද වාර්තා වේ. මෙම ඝාතනය සම්බන්ධයෙන් කිසිවකුත් අත්අඩංගුවට ගෙන නොමැත.


Charlie Kirk මහතාට වෙඩි තැබීම සම්බන්ධයෙන් සොයාබැලීමට අවශ්‍ය පුද්ගලයෙකුගේ ඡායාරූපයක් එෆ්බීඅයි (FBI) ආයතනය විසින් නිකුත් කර තිබේ. ආරක්ෂක කැමරා දසුන්වලින් ලබාගත් මෙම ඡායාරූපයෙහි සිටින පුද්ගලයා හඳුනාගැනීම සඳහා මහජනතාවගේ සහයද අපේක්ෂා කරන බව එෆ්බීඅයි (FBI) ආයතනය පවසයි. මෙම ඡායාරූපයෙහි තොප්පියක් සහ අව් කණ්ණාඩි පැළඳි පුද්ගලයෙකුගේ රුවක් දැකිය හැකිය.

එමෙන්ම ඝාතනයට යොදාගත් රයිෆලයක් සහ පතරොම් සොයාගෙන ඇති බවද වාර්තා වේ.

එෆ්බීඅයි (FBI) ආයතනය පවසන පරිදි රයිෆලයේ තිබූ පතරොම්වල ස්ත්‍රී පුරුෂ සමාජභාවය සහ ෆැසිස්ට් විරෝධී මතවාදයන් පිළිබඳ සටහන් කිහිපයක් තිබී ඇත. වෙඩි තැබීම සිදුකළ පුද්ගලයා Utah Valley විශ්වවිද්‍යාලය අවට ප්‍රදේශයේ සිටි බවටද සොයාගෙන තිබේ. ඔහු වෙඩි තැබීමට මිනිත්තු 30කට පෙර වහලයක් මත රැඳී සිටි බවටද ආරක්ෂක කැමරා දසුන් ඇසුරින් අනාවරණය කරගෙන ඇත. වෙඩි තැබීමෙන් පසුව ඔහු එම ගොඩනැගිල්ලේ වහලයෙන් පැන, අසල ඇති කැලෑ ප්‍රදේශයකට ගොස් තිබේ. එම කැලෑ ප්‍රදේශයෙන් තුවායක ඔතා තිබූ රයිෆලයද සොයාගෙන ඇත.

මෙම සිදුවීමෙන් පසු චාර්ලි කර්ක්ගේ (Charlie Kirk) පවුලේ අය සමඟ කතා කිරීමට සැලසුම් කරන බව ජනාධිපති ට්‍රම්ප් (Trump) පවසා ඇත. එමෙන්ම චාර්ලි කර්ක්ට (Charlie Kirk) එක්සත් ජනපදයේ ඉහළම සිවිල් සම්මානය වන ජනාධිපති නිදහස් පදක්කම (Presidential Medal of Freedom) පිරිනමන බවද ඔහු නිවේදනය කළේය.

අතර, එෆ්බීඅයි (FBI) ආයතනය විසින් එම පුද්ගලයාගේ ඡායාරූපයක් නිකුත් කරමින් මහජන සහායද ඉල්ලා සිටියි.

චාර්ලි කර්ක් (Charlie Kirk) හට ගෞරව කිරීමක් ලෙස හිටපු ජනාධිපති ඩොනල්ඩ් ට්‍රම්ප් (Donald Trump) මහතා ඇමරිකානු ධජ අඩකුඹු කිරීමට නියෝග කර තිබේ.

දේශපාලන කටයුතුවලදී සහ තරුණ සබඳතාවලදී ජනරජ පක්ෂය නැවත හැඩගැස්වීමේදී චාර්ලි කර්ක් (Charlie Kirk) මහතා ප්‍රධාන කාර්යභාරයක් ඉටු කළේය. ඔහුට එල්ල වූ මෙම වෙඩි ප්‍රහාරය දේශපාලන ක්ෂේත්‍රය පුරා දැඩි ලෙස හෙළා දකින ලදී. 2012 වසරේදී ටර්නිං පොයින්ට් යූඑස්ඒ (Turning Point USA) සංවිධානය සම-ආරම්භ කළ කර්ක් (Kirk) මහතා එහි විධායක අධ්‍යක්ෂවරයා ලෙසද කටයුතු කළේය. ඩොනල්ඩ් ට්‍රම්ප් (Donald Trump) මහතාගේ ප්‍රධාන ආධාරකරුවෙකු ලෙස කර්ක් (Kirk) මහතා තරුණ කොන්සර්වෙටිව් ඡන්දදායකයින් බලමුලු ගැන්වීමේදී ප්‍රධාන කාර්යභාරයක් ඉටු කළේය. තුවක්කු පාලනය, ගබ්සා කිරීම, LGBTQ අයිතිවාසිකම් සහ 2020 මැතිවරණ වංචා පිළිබඳ මතභේදාත්මක අදහස් සඳහා ඔහු ප්‍රසිද්ධියට පත් විය.

ඝාතන සිදුවීම සම්බන්ධයෙන් විශ්වවිද්‍යාල සිසුන් කම්පනයට පත්ව සිටින අතර, තුවක්කුකරු තවමත් අත්අඩංගුවට ගෙන නොමැති නිසා සිසුන් දැඩි බියකින් පසුවන බවද වාර්තා වේ.