පාතාල නායකයෙකු වන 'කෙහෙල්බද්දර පද්මේ' නැමැත්තාගෙන් තමන්ට මරණ තර්ජන එල්ල වූ බවට අපරාධ පරීක්ෂණ දෙපාර්තමේන්තුවට අසත්‍ය පැමිණිල්ලක් ගොනු කිරීමේ චෝදනාව මත රක්ෂිත බන්ධනාගාරගත කර සිටි විශ්‍රාමික ජ්‍යෙෂ්ඨ නියෝජ්‍ය පොලිස්පති ප්‍රියන්ත ජයකොඩි මහතා ඇප මත මුදා හැර තිබේ. මහර මහේස්ත්‍රාත් අධිකරණය විසින් ඊයේ (06) මෙම ඇප නියෝගය ලබා දී ඇති බව වාර්තා වේ.
මෙම සිදුවීමට අදාළව අපරාධ පරීක්ෂණ දෙපාර්තමේන්තුව විසින් ජයකොඩි මහතාව අත්අඩංගුවට ගනු ලැබුවේ පසුගිය ජූලි මස 28 වන දිනයි. ඔහු රාගම ප්‍රදේශයේ පෞද්ගලික රෝහලක ප්‍රතිකාර ලබමින් සිටියදී මෙලෙස අත්අඩංගුවට ගෙන තිබූ අතර, අනතුරුව මහර මහේස්ත්‍රාත්වරයා එම රෝහල වෙත පැමිණ සැකකරු පරීක්ෂා කිරීමෙන් අනතුරුව අගෝස්තු 06 වන දා දක්වා රක්ෂිත බන්ධනාගාරගත කිරීමට නියෝග කළේය.
Comments
Post a Comment
Your comment will be visible after approval