පේරාදෙණිය, යහලතැන්න ප්රදේශයේ පිහිටි සිය නිවස තුළදී යටිනුවර ප්රාදේශීය සභාවේ සමගි ජන බලවේගය විපක්ෂ නායක චම්පික නිලන්ත මහතා, ඔහුගේ භාර්යාව සහ දියණිය මියගොස් සිටියදී සොයාගෙන තිබේ. පේරාදෙණිය පොලිසිය විසින් මෙම සිද්ධිය තහවුරු කරන ලදී.
මියගිය විපක්ෂ නායකවරයා 52 වන වියේ පසුවූ අතර ඔහුගේ බිරිඳ 44 හැවිරිදි විය. ඔවුන්ගේ 17 හැවිරිදි වියේ පසුවූ වැඩිමහල් දියණියද මියගොස් ඇති පිරිස අතර වන බව පොලිස් ආරංචි මාර්ග සඳහන් කරයි. සිද්ධිය වන අවස්ථාවේ නිවසේ සිටි ඔවුන්ගේ අනෙක් කුඩා දියණිය දිවි ගලවාගෙන ඇති බව වාර්තා වේ.
පොලීසියට අනුව, විපක්ෂ නායකවරයාගේ සිරුර නිවසේ සාලයේ ගෙල වැලලාගත් තත්වයක තිබී හමුවී ඇත. ඔහුගේ බිරිඳගේ සහ දියණියගේ සිරුරු නිවසේ වෙනත් ස්ථාන දෙකක තිබී සොයාගෙන තිබේ. ඔවුන්ගේ මරණවලට නිශ්චිත හේතුව මෙතෙක් අනාවරණය වී නොමැති අතර පශ්චාත් මරණ පරීක්ෂණ මගින් එය තීරණය කිරීමට නියමිතය.
මෙම කනගාටුදායක සිදුවීම සම්බන්ධයෙන් පේරාදෙණිය පොලිස් ස්ථානාධිපති, ප්රධාන පොලිස් පරීක්ෂක විජිත් විජේකෝන් මහතාගේ මෙහෙයවීමෙන් පුළුල් විමර්ශනයක් ආරම්භ කර ඇත. පොලිස් මාධ්ය ප්රකාශකවරයාද සිද්ධිය පිළිබඳව කරුණු තහවුරු කර ඇති අතර වැඩිදුර පරීක්ෂණ ක්රියාත්මක වෙමින් පවතී.
Comments
Post a Comment
Your comment will be visible after approval