කොළඹ නගර සභාවේ නාගරික මන්ත්රීනියක ලෙස පත් කරන ලද දීපා එදිරිසිංහ මහත්මියට එරෙහිව ETI තැන්පත්කරුවන් සුරැකීමේ සංගමය විසින් අද දින කොළඹ නගර සභාව ඉදිරිපිට විශාල විරෝධතාවයක් පවත්වනු ලැබීය.
වාර්තා වන අන්දමට, මෙම විරෝධතාවයට විශාල පිරිසක් සහභාගී වී ඇති අතර, ඔවුන් ප්රධාන වශයෙන් චෝදනා කරන්නේ Edirisinghe Trust Investments (ETI) ආයතනයේ තැන්පත්කරුවන් අසරණ තත්ත්වයට පත් කිරීමට වගකිව යුතු දීපා එදිරිසිංහ මහත්මිය කොළඹ නගර සභාවේ නාගරික මන්ත්රීවරියක ලෙස පත් කිරීම සම්බන්ධයෙනි.
විරෝධතාකරුවන් පෙන්වා දෙන පරිදි, පොදුජන එක්සත් පෙරමුණෙන් පුටුව ලකුණින් කොළඹ නගරසභාවට තරඟ කළ දීපා එදිරිසිංහ මහත්මිය එම මැතිවරණයෙන් පරාජයට පත් වුවද, ඇය සතු මුදල් බලය හේතුවෙන් එම පක්ෂය විසින් ඇය නාගරික මන්ත්රීවරියක ලෙස පත් කර ඇති බවට ETI තැන්පත්කරුවන් සුරැකීමේ සංගමය චෝදනා කරයි.
විරෝධතාකරුවන්ගේ මූලික ප්රශ්නය වන්නේ, Edirisinghe Trust Investments ආයතනය පවා නිසි ලෙස පරිපාලනය කිරීමට අසමත් වූ පුද්ගලයෙකුට කොළඹ නගර සභාව වැනි වැදගත් ආයතනයක් පරිපාලනය කිරීමට හැකියාවක් තිබේද යන්නයි.
ETI තැන්පත්කරුවන් සුරැකීමේ සංගමයේ සභාපති ජයන්ත කුමාර මහතා මාධ්ය වෙත ප්රකාශ කළේ, "අපි අද මෙතැනට පැමිණ සිටින්නේ සාධාරණත්වය ඉල්ලා සිටින්නයි. දහස් ගණනක් ETI තැන්පත්කරුවන් තවමත් තම මුදල් ලබා ගැනීමට නොහැකිව සිටින අතර, එම ආයතනය කඩා වැටීමට වග කිව යුතු පුද්ගලයන් නගර පාලනයට පත් කිරීම අසාධාරණයි."
පොදුජන එක්සත් පෙරමුණේ ප්රකාශක රවින්ද්ර සමරවීර මහතා මෙම චෝදනා ප්රතික්ෂේප කරමින් පවසා සිටියේ, "දීපා එදිරිසිංහ මහත්මියගේ පත්වීම සිදු කර ඇත්තේ පක්ෂයේ අභ්යන්තර ක්රියාපටිපාටියට අනුකූලවයි. මෙය පුද්ගලික චෝදනා මත පදනම්ව ගත් තීරණයක් නොවේ."ලෙසිනි.
දීපා එදිරිසිංහ යනු ඊඒපී සමූහ ව්යාපාරයේ හිටපු අධ්යක්ෂිකා සෝමා එදිරිසිංහගේ දියණියකි. මේ වනවිට ඊඒපී ව්යාපාර ජාලයේ වැඩි ප්රමාණයක් අන්ය හිමිකරුවන් වෙත විකුණාදමා තිබේ.
Comments
Post a Comment
Your comment will be visible after approval