වතු හා ප්රජා යටිතල පහසුකම් අමාත්ය සමන්ත විද්යාරත්න මහතා ඊයේ (28) විශේෂ ආදර්ශයක් ලබා දෙමින්, මේසන් හැන්දක් සහ මනිස් ලෑල්ලක් අතට ගෙන නිවාස ව්යාපෘතියක බිත්ති ඉදිකිරීමේ කටයුතුවලට එක් විය.
හල්දුම්මුල්ල, කබරගල ප්රදේශයේ සිදු වූ නායයාමක් හේතුවෙන් අවතැන්ව, වසර දෙකකට අධික කාලයක් පුරා කඳවුරුවල දිවි ගෙවූ පවුල් 50ක් සඳහා ස්ථිර නිවාස ලබා දීමේ අරමුණින් මෙම ශ්රමදාන වැඩසටහන දියත් කෙරිණි.
මෙම නිවාස ව්යාපෘතිය යටතේ, එක් එක් ප්රතිලාභී පවුලක් සඳහා පර්චස් දහයක ඉඩමක් සහ රුපියල් ලක්ෂ තිස් දෙකක මූල්ය ආධාරයක් පිරිනැමීමට නියමිතය.
අමාත්යවරයා සිය අමාත්යාංශ නිලධාරීන් ද සමඟ එක්ව බිත්ති බැඳීමේ නිරත වූ අතර, එම ක්රියාව එහි රැස්ව සිටි පිරිසගේ ඉමහත් පැසසුමට ලක්වූයේ එය ප්රායෝගික නායකත්වයේ ආදර්ශයක් ලෙස සලකමිනි.
මෙම සමස්ත නිවාස ව්යාපෘතියේ ඉදිකිරීම් කටයුතු සඳහා ශ්රී ලංකා යුද හමුදාවේ ශ්රම හා තාක්ෂණික දායකත්වය හිමි වේ.
මෙම අවස්ථාව සඳහා බදුල්ල දිස්ත්රික් පාර්ලිමේන්තු මන්ත්රීවරුන් වන රවීන්ද්ර බණ්ඩාර, කිට්නම් සෙල්වරාජ්, අම්බිගා සැමුවෙල් යන මහත්ම මහත්මීන් ද, හල්දුම්මුල්ල ප්රාදේශීය සභා සභාපති ජගත් රාජපක්ෂ සහ ප්රාදේශීය ලේකම් කේ.ඒ.ජේ. ප්රියංගිකා යන මහත්ම මහත්මීහු ඇතුළු නිලධාරීන් පිරිසක් ද සහභාගී වූහ.
Comments
Post a Comment
Your comment will be visible after approval