සිකුරාදා දින ඉන්දීය අගමැති නරේන්ද්ර මෝදි මහතා ශ්රී ලංකාවට දින තුනක සංචාරයක් සඳහා පැමිණියේය. ඊයේ ඔහු නවාතැන් ගත් කොළඹ ටාජ් සමුද්රා හෝටලයේදී ඉන්දීය හිතවතුන් විසිනුත් හා අද කොළඹ නිදහස් චතුරස්රයේදී විශේෂ රාජ්ය උත්සවයකිනුත් පිළිගැනීමට ලක් කෙරුණි.
ශ්රී ලංකා ජනාධිපති අනුර කුමාර දිසානායක මහතා අද නිදහස් චත්රරශ්රයේදී එතුමාව පිළිගත් අතර, රාජතාන්ත්රික ආකාරයට මින් ඉහත නවදිල්ලියේදී මෙරට ජනපතිට සිදුකළ පිළිගැනීමට සමාන ආකාරයට ගෞරවනීය ලෙස මෙය සිදුවිය.
ඊයේ, මෝදි අගමැතිවරයා ඔහු නවාතැන් ගත් ටාජ් සමුද්රා හෝටලයේදී උණුසුම් පිළිගැනීමකට ලක් වූ අතර, එහිදී ඔහු ඉන්දීය සම්භවයක් සහිත ප්රජාවේ සාමාජිකයින් සමඟ අත්වැල් බැඳගන්නා අයුරු සහ ඔහුගේ ගෞරවය පිණිස පවත්වන ලද සංදර්ශනයක් නරඹන අයුරු දක්නට ලැබිණි. මෙම සජීවී පිළිගැනීම දෙරට අතර පවතින ශක්තිමත් සංස්කෘතික සහ ජනතාව අතර සබඳතා පිළිබිඹු කළේය.
අගමැති මෝදි කොළඹට පැමිණීම සිදු වූයේ තායිලන්තයට කළ සංචාරයෙන් පසුවයි. එහිදී ඔහු තායි අගමැතිනි පැටන්ටර්න් ෂිනවත්ර සමඟ ද්විපාර්ශ්වික සාකච්ඡාවක් පැවැත්වූ අතර, බිම්ස්ටෙක් සමුළුවට ද සහභාගි විය.
වැසි සහිත කාලගුණය මැද, ශ්රී ලංකාවේ ජ්යෙෂ්ඨ අමාත්යවරුන් හය දෙනෙකු පෞද්ගලිකවම පැමිණ ගුවන්තොටුපොළේදී අගමැති මෝදි පිළිගත්හ. රැඳී සිටීමේ කාලය තුළ, අගමැති මෝදි අනුරාධපුරයට ගමන් කර ඉන්දියාව විසින් අරමුදල් සපයන ලද සංවර්ධන ව්යාපෘති උත්සවාකාරයෙන් විවෘත කරනු ඇත. තවද, ඔහු ජනාධිපති දිසානායක සමඟ සාකච්ඡාවලදී "හවුල් අනාගතයක් සඳහා හවුල්කාරිත්වය වර්ධනය කිරීම" යන ඒකාබද්ධ දැක්ම යටතේ ඇති ප්රගතිය සමාලෝචනය කරනු ඇත.
ඡායාරූප එකතුවක් පහතින්
සම්බන්ධිත ලිපි
){kind=link}
Comments
Post a Comment
Your comment will be visible after approval