හිටපු කථානායක චමල් රාජපක්ෂ මහතා පවසා සිටින්නේ මෙවර පැවැත්වීමට නියමිත ප්රාදේශීය සභා මැතිවරණයට පොදුජන පෙරමුණෙන් තමා ඉදිරිපත් වීමට සූදානමින් සිටින බවයි.
මාධ්ය වෙත අදහස් දක්වමින් චමල් රාජපක්ෂ මහතා සඳහන් කළේ වර්තමානයේ පොදුජන පෙරමුණ පක්ෂය තුළ වඩාත් යහපත් පිබිදීමක් දක්නට ලැබෙන බවයි. මෙම අවස්ථාවේදී ඔහු වැඩිදුරටත් පැවසුවේ සියලු දෙනාගේම ඉල්ලීම මත තමා මැතිවරණයට ඉදිරිපත් වන බවත්, ඒ අනුව දිස්ත්රික්කයේ ඕනෑම ප්රදේශයකින් තමාට තරඟ කිරීමේ හැකියාව පවතින බවත්ය.
"වෙනස කරා. වෙනසේ රඟ දැන් ආපහු දකිනවා. දැන් හැමෝටම ඕනේ ඇති කරපු වෙනස නැවත වෙනස් කරන්න. පොදුජන පෙරමුණෙන් මමත් ප්රාදේශීය සභාවට ඉල්ලනවා. ඉහළ යනවා. පහළ යනවා. අපි පහළින්ම පටන් ගන්නවා ආපහු. සියලුදෙනාගේම ඉල්ලීම අනුව දිස්ත්රික්කයේ ඕනෑම තැනකින් ඉල්ලන්න පුළුවන්." යනුවෙන් චමල් රාජපක්ෂ මහතා ප්රකාශ කර සිටියේය.
ඉහළ පෙළේ දේශපාලන තනතුරු දැරූ චමල් රාජපක්ෂ මහතා ප්රාදේශීය සභා මට්ටමින් දේශපාලනය කිරීමට තීරණය කිරීම කැපී පෙනෙන කරුණකි. මෙම ප්රකාශය හරහා පසුගිය කාලයේ සිදුවූ වෙනස්කම් පිළිබඳව ද ඔහු අදහස් දක්වා ඇති අතර, නැවත පහළ මට්ටමේ සිට දේශපාලනය ආරම්භ කිරීමට සූදානම් වන බව පෙන්නුම් කරයි.
Comments
Post a Comment
Your comment will be visible after approval