දඹුල්ල-බකමූණ මාර්ගයේ හා මිනුවන්ගොඩ-කුරුණෑගල මාර්ගයේ සිදුවූ අනතුරු දෙකකින් පුද්ගලයින් දෙදෙනෙකු මිය ගොස් තවත් 12 දෙනෙකු තුවාල ලබා ඇති බව පොලිසිය වාර්තා කරයි.
පළමු අනතුර දඹුල්ල-බකමූණ මාර්ගයේදී සිදුව ඇති අතර, එහිදී ජීප් රථයක් මාර්ගයෙන් පිටතට පැන ගසක ගැටී ඇත. මෙම අනතුරෙන් ජීප් රථයේ ගමන් කළ පුද්ගලයින් දෙදෙනෙකු මරණයට පත්ව ඇති බව පොලිසිය විසින් තහවුරු කර ඇත.
දෙවැනි අනතුර 2025 මාර්තු 10 වන දින සවස කාලයේදී නාල්ල පොලිස් වසමේ මිනුවන්ගොඩ-කුරුණෑගල මාර්ගයේ මංචිකඩේ හන්දිය අසලදී සිදුව ඇත. මිනුවන්ගොඩ සිට ගිරිඋල්ල දෙසට ගමන් කළ වැලි සෝදන යන්ත්රයක් පටවාගත් ලොරි රථයක් ප්රතිවිරුද්ධ දිශාවෙන් පැමිණි මගී ප්රවාහන බස් රථයක ගැටීමෙන් මෙම අනතුර සිදුව ඇත.
මෙම දෙවන අනතුරෙන් බස් රථයේ හා ලොරි රථයේ රියදුරන් දෙදෙනා ඇතුළුව පුද්ගලයින් නවදෙනෙකු සහ බස් රථයේ ගමන් කළ පාසල් සිසුන් තිදෙනෙකු ද ඇතුළත්ව මුළු ගණනින් පුද්ගලයින් 12 දෙනෙකු සුළු තුවාල ලබා ඇත. සියලු තුවාලකරුවන් දඹදෙණිය රෝහලට ඇතුළත් කර ඇති අතර, නාල්ල පොලිසිය මෙම අනතුර සම්බන්ධයෙන් වැඩිදුර විමර්ශන සිදු කරමින් සිටී.
දෙවැනි අනතුරට අදාළ ඡායාරූප මේ සමග පළවේ.
Comments
Post a Comment
Your comment will be visible after approval