දිගුකලකට පසු මුල්ම අලුත් වාහන තොගය අද (26) ගොඩ බායි

පෙබරවාරි 2 වන දින රජය ආනයන සීමා ලිහිල් කිරීමෙන් පසුව ශ්‍රී ලංකාවට පැමිණීමට නියමිත පළමු වාහන තොගය අද (26) දින රට තුළට ලැබීමට නියමිතව තිබෙන අතර,  දැනගන්නට ඇති පරිදි මෙම නව වාහන සියල්ලම පාහේ පාරිභෝගිකයින් විසින් වෙන් කරවාගෙන අවසන් ඒවා බවයි.

පවතින අධික මිල ගණන් වලට පවා ජනතාව මෙම වෙන්කරගැනීම් සිදුකරගෙන ඇත්තේ ඉහළ ඉල්ලුමකිනි.

තවත් මිලටගැනීම් සිදුකරන්නට ආනයනකරුවන් ජනතාව දිරිගන්වා ඇති අතර ඉක්මනින් ලියාපදිංචි කර වාහන ඉක්මණින් ගෙන්වා ගන්නට දිරිමත් කර ඇත.

ශ්‍රී ලංකා වාහන ආනයනකරුවන්ගේ සංගමයේ (VIASL) සභාපති ප්‍රසාද් මානගේ මහතා නිවේදනය කර සිටියේ පළමු වාහන තොගය අද දින තායිලන්තයේ සිට කොළඹ වරායට පැමිණෙන බවත්, තවත් වාහන තොගයක් ජපානයේ සිට බ්‍රහස්පතින්දා (27) හම්බන්තොට ජාත්‍යන්තර වරායට පැමිණෙනු ඇති බවයි.

"වාහන ආනයනය සඳහා බදු ස්ථර හතරක් පනවනු ලැබේ. එනම්, වාහනයේ වටිනාකම මත පදනම් වූ විශේෂ ආනයන බද්දක්, සුඛෝපභෝගී බද්දක්, රේගු බද්ද සහ පිරිවැය, රක්ෂණ සහ ප්‍රවාහන (CIF) වියදම සමඟ දැනටමත් පවතින සියයට 18ක එකතු කළ අගය මත බද්ද (VAT) ද වේ. ඊට අමතරව, මෑතකදී නිකුත් කරන ලද ගැසට් නිවේදනයකින් මෝටර් රථ සහ ජීප් රථ සඳහා සියයට 50ක රේගු අතිරේක ගාස්තුවක් හඳුන්වා දී ඇති අතර, එය එම වාහන සඳහා මිල ඉහළ යාමට හේතු වී ඇත" යැයි ඔහු පැහැදිලි කළේය.

"අපි කලින් සඳහන් කළ පරිදි, පාරිභෝගිකයන්ට ලබන සඳුදා (මාර්තු 3) සිට ප්‍රදර්ශනාගාරවල වාහන නැරඹීමට අවස්ථාව ලැබෙනු ඇත," යැයි ඔහු පැවසීය.
වාහන පැමිණීමෙන් පසුව, රටේ දැනට පවතින පාවිච්චි කළ වාහන වෙළඳපොළ සියයට 10 සිට 15 දක්වා පහත වැටෙනු ඇතැයි මානගේ මහතා පැවසීය.

ඇතැම් වාහන කාණ්ඩවල මිල ඉහළ යාමට ඉඩ ඇති අතර, අනෙක්වා දේශීය වෙළඳපොළේ මිල අඩු වීමට ඉඩ ඇති බව ද ඔහු සඳහන් කළේය.

නව ආනයන සමඟ සුසුකි වැගන් ආර් වාහනයේ මිල අඩු වීමට අපේක්ෂා කෙරේ. නව සුසුකි වැගන් ආර් රථයක මිල රුපියල් මිලියන 7 සහ රුපියල් මිලියන 7.2 අතර වනු ඇතැයි අපේක්ෂා කරන අතර, අනෙකුත් වැගන් ආර් මාදිලි රුපියල් මිලියන 6 සහ රුපියල් මිලියන 7 අතර පරාසයක පවතිනු ඇත.

ටොයොටා විට්ස් නිෂ්පාදන දැන් නවතා ඇති අතර එය ටොයොටා යාරිස් ඒ වෙනුවට ඉදිරිපත් කරනු ඇත. යුරෝපීය වාහන ද මිලදී ගැනීමට ලැබෙනු ඇති බව මානගේ මහතා තහවුරු කළේය.

ජපන් ඇල්ටෝ වාහන වල මිල ද අඩු වීමට අපේක්ෂා කරන අතර, නව ආනයන රුපියල් මිලියන 3.5 සහ රුපියල් මිලියන 5 අතර මිල ගණන් යටතේ පැවතීමට නියමිතය.

තායිලන්තයෙන් එන නැව් තොගයේ ඇතුළත් වන්නේ කොළඹ වරායට පැමිණෙන ඩබල් කැබ් වාහනයි. ඒ අනුව, ටොයොටා හයිලක්ස් ROCCO ඩබල් කැබ් රථය ශ්‍රී ලංකාවේ රුපියල් මිලියන 24.5 සහ රුපියල් මිලියන 25.5 අතර මිල පරාසයකින් ලැබීමට නියමිතය.

අලුත් වාහන තොග සමග එන වාහන නව මිලගණන් කිහිපයක් පහත පරිදිය.

Vehicle Price List

Vehicle	Price (Rs.)
Toyota (Inclusive of VAT)
Lite Ace	7.45 mn
Land Cruiser 300	118 mn
Raize	12.25 mn
Wigo	9.15 mn
Prius	28.9 mn
Corolla Cross	35.5 mn
Camry	44 mn
Yaris Cross	21.15 mn
Land Cruiser 250	75 mn
Hiace	19.95 mn
Mitsubishi (Exclusive of VAT)
Attrage	11.23 mn
Xpander	14.99 mn
Xpander Cross	16.1 mn
Outlander Sport	15.675 mn
Outlander Sport	19 mn
L200	18.135 mn
Montero Sport (premium model)	49.58 mn
Suzuki
Wagon R	7.2 mn
Bajaj
RE three-wheeler	1.9 mn
Pulsar N160 motorcycle	934,950
Discover 125 DRL	731,000