ටෙස්ලා සහ ස්පේස්එක්ස් හි ප්රධාන විධායක බිලියනපති එලොන් මස්ක් මෑතකදී සිය පුත් X Æ A-12 සමඟ ඇමරිකානු ජනපතිගේ ඔවල් කාර්යාලයට කළ සංචාරය සමාජීය හා දේශපාලනික වශයෙන් සැලකිය යුතු අවධානයක් දිනාගෙන තිබේ.
ඔහු එහිදී ඇමරිකානු ජනපතිවරයෙක්ගේ කාර්යාලයක මින් පෙර සිදු නොවූ දේවල් කරන්නේය.
පුතා සිය කර මත නංවාගෙන සිටින අතර ඔහු මාධ්ය විමසන ප්රශ්නක වලට පිළිතුරු දෙන අතර ඇමරිකානු ජනපතිවරයා පැත්තක් බලාගෙන සිය අසුනේ සිටීම අමුතු දර්ශනයක් විය. කිසිදු ගරු සරුවක් නැතිව ඔහු හැසිරෙන්නේය යන්න ඇතැමෙකුගේ චෝදනාව වන නමුත් මෙය හිතාමතා මාධ්ය අවධානය වෙනතකට යවන උපායක් ලෙසද ඇතැමුන් විස්තර කර තිබේ. විශේෂයෙන් ඇමරිකානු සෞඛ්ය ආරක්ෂණ සමාගමක ප්රධානී බ්රයන් තොම්ප්සන්ගේ ඝාතනය නිසා රජයට යම් තරමක චෝදනා එල්ලවෙමින් පවතින පසුබිමක අවධානය වෙනතක හැරවීමක් ලෙසද ඇතැමුන් තර්ක කර තිබේ.
මෙම අසාමාන්ය හැසිරීම පිළිබඳව විවිධ පාර්ශ්වයන් විවිධාකාර අර්ථකථන ඉදිරිපත් කර ඇති අතර, සමහරුන් එය "සරල ළමා චාම් බවක්" ලෙස දකින අතර, තවත් සමහරුන් එය සැලසුම් සහගත දේශපාලනික ක්රියාමාර්ගයක් ලෙස හඳුනාගෙන තිබේ.
විශ්ලේෂකයින්ගේ මතය අනුව, මස්ක් සිය දරුවා සමඟ මෙය සිදු කිරීම හිටපු ජනාධිපති ට්රම්ප්ගේ බලය අභියෝගයට ලක් කිරීමේ උත්සාහයක් ලෙස දැක්විය හැකිය. සාම්ප්රදායික බල තුලනය කඩා බිඳ දැමීමේ උපක්රමයක් ලෙස දරුවාගේ සහභාගීත්වය යොදාගෙන ඇති බව ඔවුහු පෙන්වා දෙති.
මස්ක් තම පුත්රයා "මානව පලිහක්" ලෙස භාවිතා කරන බවට සමහරු චෝදනා කරති. තවත් සමහරුන්ගේ අදහස වන්නේ දරුවා මස්ක්ගේ චිත්තවේගීය සහාය සඳහා යොදා ගන්නා බවයි. කෙසේ වෙතත්, මෙවැනි රාජ්ය තාන්ත්රික අවස්ථාවකදී දරුවෙකු රැගෙන ඒම වෘත්තීයමය නොවන බව විවේචකයෝ පෙන්වා දෙති.
සමාජ මාධ්ය භාවිතා කරන්නන් අතර පැතිර යන තවත් මතයක් වන්නේ මස්ක් තම පුත්රයා සුදු ජාතිවාදය ප්රවර්ධනය කිරීමේ මෙවලමක් ලෙස යොදා ගන්නා බවයි.
එසේම, සමහරු මෙය මස්ක්ගේ උරුමකරු ප්රදර්ශනය කිරීමේ උත්සාහයක් ලෙසද දකිති.
මාධ්ය වාර්තා අනුව, මෙම සිද්ධිය ට්රම්ප් සඳහා අපහසුතාවයට පත්වූ අවස්ථාවක් ලෙස චිත්රණය කර ඇති අතර, මස්ක් හිටපු ජනාධිපතිවරයාගේ අවධානය යටපත් කළ බවට සමහරු යෝජනා කරති. එක් අවස්තාවක කුඩා දරුවා සිය නාසය අතින් අල්ලා ට්රම්ප්ගේ මේසයේ පිහිදායි. මස්ක් සුදුසු ඇඳුමකින් තොරව පැමිණ ධවල මන්දිර ඇඳුම් අඳින පිළිවෙත නොසලකා හැර ඇති බවද වාර්තා වේ.
මස්ක්ගේ හිටපු බිරියක සහ දරුවාගේ මව වන ග්රයිම්ස්, දරුවා ට්රම්ප් හමුවට රැගෙන යාම සම්බන්ධයෙන් මස්ක්ට විරෝධය පළ කර ඇති අතර, දරුවා මෙවැනි පොදු අවස්ථාවලට සහභාගී නොවිය යුතු බව ප්රකාශ කර තිබේ.
Comments
Post a Comment
Your comment will be visible after approval