පාර්ලිමේන්තුවේ තොරතුරු පද්ධති සහ කළමනාකරණ දෙපාර්තමේන්තුවේ කාන්තා සේවිකාවන් කිහිප දෙනෙකුට එරෙහිව සිදු වී ඇතැයි චෝදනා කෙරෙන ලිංගික හිංසන සිද්ධීන් සම්බන්ධයෙන් පාර්ලිමේන්තු මන්ත්රීවරියන්ගේ සංසදය විසින් විශේෂ විමර්ශනයක් ආරම්භ කර ඇත.
මෙම සංවේදී කරුණ සම්බන්ධයෙන් පාර්ලිමේන්තු මන්ත්රීවරියන්ගේ සංසදයේදී පුළුල් සාකච්ඡාවක් පැවැත්වුණු බව සමගි ජන බලවේගයේ පාර්ලිමේන්තු මන්ත්රීනි නීතිඥ චමින්ද්රාණි කිරිඇල්ල මහත්මිය අනාවරණය කළාය. විශේෂයෙන්ම මෙම සිද්ධිය සම්බන්ධයෙන් බාහිර විමර්ශනයක් පැවැත්වීම සඳහා කතානායකවරයාගෙන් විධිමත් ඉල්ලීමක් කිරීමට එම සාකච්ඡාවේදී ඒකමතික තීරණයක් ගෙන ඇති බවද ඇය පෙන්වා දුන්නාය.
කිරිඇල්ල මන්ත්රීවරිය වැඩිදුරටත් අදහස් දක්වමින්, පෞද්ගලික අංශයේ සමාගම් හෝ රාජ්ය ආයතනවල මෙවැනි ස්ත්රී දූෂණ චෝදනා වාර්තා වූ විට,
ඒවා බාහිර විමර්ශන මණ්ඩල වෙත යොමු කිරීම සම්මත පරිපාලන ක්රියාමාර්ගයක් බව අවධාරණය කළාය.
මාතලේ දිස්ත්රික් පාර්ලිමේන්තු මන්ත්රීනි රෝහිණී කුමාරි විජේරත්න මහත්මිය මෙම සිද්ධිය සම්බන්ධයෙන් අදහස් දක්වමින් පැවසුවේ, මෙම චෝදනා සම්බන්ධයෙන් පාර්ලිමේන්තු මන්ත්රීවරියන්ගේ සංසදය විශේෂ අවධානයක් යොමු කර ඇති බවයි.
මේ අතර, කතානායක කාර්යාලයේ ප්රධාන පෙළේ නිලධාරියෙකු සඳහන් කළේ, මෙම සිද්ධිය පිළිබඳව මූලික වශයෙන් අභ්යන්තර පරීක්ෂණයක් පවත්වා, ඉන් අනතුරුව බාහිර විමර්ශනයක් සිදු කිරීමට කතානායකවරයා තීරණය කර ඇති බවයි.
වැඩිදුර විමර්ශන කටයුතු යටතේ,
මෙම සිද්ධියට අදාළ අභ්යන්තර පරීක්ෂණ කටයුතු හෙට (14) උදෑසන සිට ක්රියාත්මක කිරීමට සැලසුම් කර ඇති බව එම නිලධාරියා තවදුරටත් පැවසීය.
මෙම සිද්ධිය සම්බන්ධයෙන් විධිමත් පරීක්ෂණයක් පැවැත්වීම සඳහා පාර්ලිමේන්තු මන්ත්රීවරියන්ගේ සංසදය දක්වන උනන්දුව සහ කතානායක කාර්යාලය විසින් ගෙන ඇති ක්රියාමාර්ග, රාජ්ය සේවයේ කාන්තාවන්ගේ ආරක්ෂාව සහ යහපැවැත්ම සුරක්ෂිත කිරීම සඳහා ගනු ලබන සාධනීය පියවරක් ලෙස දැක්විය හැකිය.
Comments
Post a Comment
Your comment will be visible after approval