අම්පාර නගරයේ ට්රාන්ස්ෆෝමර්වල කම්බි කැපීමට ගිය පුද්ගලයකු වොල්ට් 30,000ක අධි විදුලිසර වැදීම හේතුවෙන් මිය ගොස් ඇතැයි අම්පාර පොලීසිය පවසයි.
මෙලෙස විදුලිය සැර වැදී මියගොස් ඇත්තේ අම්පාර, නවගම්පුර ප්රදේශයේ පදිංචි පුද්ගලයෙකි. මරණකරු ඉකුත් 26 දින අලුයම 2.00ට පමණ තවත් පිරිසක් සමඟ අම්පාර කාර්මික ප්රදේශයේ විදුලිය බෙදාහරින ස්ථානයක තඹ කම්බි කැපීමට පැමිණ ඇති අතර, එහිදී කම්බි ඇති ස්ථානයට නැඟ තඹ කම්බි කැපීමට උත්සාහ කරන අවස්ථාවේ ඔහුට විදුලිසර වැදී එල්ලි සිටි බව අවට ගම්වැසියෝ කියති. පසුව අවට පිරිස් විදුලිබල මණ්ඩලය සහ පොලීසිය දැනුවත් කර ඇති අතර, විදුලිබල මණ්ඩලයෙන් සහ පොලීසියෙන් පැමිණ විදුලිය විසන්ධි කර ඔහු බිමට රැගෙන ඇති අතර, ඒ වන විටත් ඔහු මියගොස් සිටි බව පොලීසිය සඳහන් කරයි.
මීට මාස 2කට පමණ පෙර අම්පාර විදුලිබල මණ්ඩලය පවත්වාගෙන යන ට්රාන්ස්ෆෝමර්වල පොළොවට සම්බන්ධ කර ඇති භූගත රැහැන් 17ක් කිසියම් කණ්ඩායමක් විසින් කපාගෙන ගොස් ඇති බව
විදුලිබල මණ්ඩලයේ ප්රාදේශීය විදුලි ඉංජිනේරු ප්රභාත් සෙනෙවිරත්න මහතා අම්පාර මූලස්ථාන පොලීසියට පැමිණිල්ලක් කර ඇත. පසුව විදුලිබල මණ්ඩලයේ නිලධාරීන් අම්පාර නගරය අවට ඇති ට්රාන්ස්ෆෝමර් පරීක්ෂා කර ඇති අතර, ට්රාන්ස්පෝමර් 17ක භූගත රැහැන් කපාගෙන ගොස් ඇති බව එහිදී හෙළි වී තිබේ.
(වසන්ත චන්ද්රපාල)
Comments
Post a Comment
Your comment will be visible after approval