mynmar-cyber-crime

මිය­න්මා­රයේ සයි­බර් අප­රාධ කඳ­වු­ර­කින් මුදා­ගත් ශ්‍රී ලංකි­ක­යන් 27 දෙනා පසුගියදා(16) කටු­නා­යක බණ්ඩා­ර­නා­යක ජාත්‍ය­න්තර ගුව­න්තො­ටු­පො­ළින් මෙර­ටට පැමි­ණි­යහ.

තොර­තුරු තාක්ෂණ අංශයේ රැකියා සඳහා ගොස් මිය­න්මා­රයේ සයි­බර් අප­රාධ කඳ­වු­රු­වල සිර­ක­රු­වන්ව සිටි මේ පිරිස මුදා­ගනු ලැබුවේ පසු­ගිය සති­යේ­දීය. සයි­බර්

කඳ­වු­රෙන් මුදා­ගත් ඔවුන් තායි­ල­න්තය වෙත රැගෙන ගොස් තිබිණි. එහි සිට මේ පිරිස මෙරට බලා පැමි­ණියේ 16 සවස 4.10ට කටු­නා­යක බණ්ඩා­ර­නා­යක ජාත්‍ය­න්තර ගුව­න්තො­ටු­පො­ළට ගොඩ­බ­ස්සන ලද ශ්‍රී ලන්කන් ගුවන් සේව­යෙනි. මේ පිරිස සයි­බර් කඳ­වු­රෙන් මුදා­ගෙන මෙර­ටට රැගෙන ඒමට මුල්වූ මාලි­ගා­විල අස්සජි හිමි­යෝද මේ ශ්‍රී ලාංකි­ක­යන් පිරිස පැමිණි ගුවන් යාන­යෙන්ම කටු­නා­යක ගුවන් තොටු­පොළ වෙත පැමි­ණ­යහ. මාලි­ගා­විල අස්සජි හිමියෝ ගුව­න්තො­ටු­පො‍ළේදී මාධ්‍ය අම­ත­මින් ඒ ගැන මෙසේ සඳ­හන් කළහ.“මම තනි පුද්ග­ල­යකු වශ­යෙන් මිය­න්මා­රයේ ඒ කඳ­වු­රට ගිහින් දින 14ක ද

ැවැන්ත උත්සා­හ­ය­කින් පසුව මේ ශ්‍රී ලාංකි­ක­යන් පිරිස බේරා­ගෙන තායි­ලන්ත දේශ­සී­මාව වෙත රැගෙන විත් භාර­දුන්නේ. ඒ විත­රක් නෙමෙයි ඔවුන් අතර සිටි නේපාල ජාති­ක­යන් 6 දෙනෙකු සහ රුසි­යානු සහ මැලේ­සි­යානු ජාති­ක­ය­කුත් මම බේරා­ගෙන ආවා.

මේ තරුණ දරුවෝ අවු­රුදු දෙකක්, දෙක­හ­මා­රක් මේ කඳ­වු­රු­වල දුක් ගැහැට මැද සිටියා. තවත් ශ්‍රී ලාංකික දරු­වන් 14 දෙනෙකු තව­මත් ඒ කඳ­වු­රු­වල ඉන්නවා. මම මේ දරු­වන් බේරා ගැනී­මට මුදල් ලබා ගත්තා කියා ඇතැම් ජන­මාධ්‍ය ඔස්සේ ප්‍රචා­රය වූ පුවත් මම ප්‍රති­ක්ෂේප කර­නවා. ඉතිරි ශ්‍රී ලාංකි­ක­යන් බේරා ගැනී­මට අපගේ රජයේ ජනා­ධි­ප­ති­ව­රයා හෝ අග­මැ­ති­නිය මගෙන් ඉල්ලී­මක් කළොත් ඒ සඳහා ඉදි­රි­පත් වී කට­යුතු කිරී­මට මම සූදා­න­මින් සිටි­නවා.”

මේ ශ්‍රී ලාංකි­ක­යන් පිරිස තායි­ල­න්තයේ සිට කටු­නා­යක ගුවන් තොටු­පොළ වෙත රැගෙන ඒමට සහ එතැන් සිට ඔවුන්ගේ නිවෙස් වෙත රැගෙන යෑමට සංක්‍ර­ම­ණය සඳහා වන ජාත්‍ය­න්තර සංවි­ධා­නය (International Organization for Migration) බර පැන දරා තිබිණි.

මේ සංවි­ධා­නය මිය­න්මා­රයේ සයි­බර් කඳ­වු­රු­වල රඳවා තබා­ගෙන සිටි ශ්‍රී ලාංකි­ක­යන් 08 දෙනෙක් පසු­ගිය අප්‍රේල් 18 වැනි­දාත් 22ක් නොවැ­ම්බර් 6 වැනි­දාත් මෙර­ටට ගෙන ඒමට මැදි­හත්ව තිබිණි.
(කටු­නා­යක - ටී.කේ.ජී. කපිල)