jaffna-rat-fever
හඳුනානොගත් උණ රෝගී තත්ත්වයක් හේතුවෙන් උතුරු පළාතේ මියගිය 07 දෙනාගෙන් ලබාගත් සාම්පලවලින් කිහිපයකම මී උණ හෙවත් ලෙප්ටොස්පයිරෝසිස් වෛරසය පවතින බවට තහවුරු වී ඇති බව වසංගත රෝග විද්‍යා අංශය පවසයි.



 ප්‍රජා සෞඛ්‍ය විශේෂඥ වෛද්‍ය තුෂාණි දබරේරා මේ බව කියා සිටියේ, කොළඹ අද (12) පැවති ප්‍රවෘත්ති සාකච්ඡාවට එක්වෙමිනි.

එහිදී ඇය සඳහන් කළේ, මියගිය රෝගීන් 7 දෙනාගේ සාම්පල ජාතික වෛද්‍ය පර්යේෂණ ආයතනය සහ මහනුවර ජාතික රෝහලේ රසායනාගාරයට යවා පර්යේෂණ කටයුතු ආරම්භ කර ඇති බවත්,  රෝගීන් කිහිප දෙනෙකුගේ සාම්පල් නියැදී මී උණ ලෙස තහවුරු වී තිබෙන බවයි.

එමෙන්ම අනෙකුත් පර්යේෂණ කටයුතු සිදු කරමින් පවතින බවද ඇය වැඩිදුරටත් සඳහන් කළාය.