"මිය ගිය උතුරේ අය සැමරීම ගැන රජයේ ස්ථාවරය" - ඇමති නලින්ද පහදයි

කැබිනට් ප්‍රකාශක වෛද්‍ය නලින්ද ජයතිස්ස මහත්තයා අද (26) රජයේ තීන්දු කියන මාධ්‍ය හමුවේදී වැදගත් කතාවක් කිව්වා. ඒ උතුරේ මහ වීර දිනය සැමරීම ගැන.
එයා කිව්වේ මේ වගේ දෙයක්: "යුද්ධයේදී මැරුණු තමන්ගේ නෑදෑයන්ව සමරන්න කාට හරි ඕනේ නම්, ඒක පුද්ගලික දෙයක්.

ඒකට රජයට බාධා කරන්න බැහැ. හැබැයි එල්ටීටීඊ එක වගේ ත්‍රස්තවාදී සංවිධාන ගැන සැමරුම් තියන්න බැහැ. ඒ දෙක දෙකක්. ඒක කිසි විදියකින් පටලවගන්න එපා."
ඇත්තටම මේ ගැන 2011 අගෝස්තු 29 වැනිදා රජය ගැසට් එකකුත් දාලා තියෙනවා. ඒකේ කියලා තියෙනවා ත්‍රස්තවාදී සංවිධානවලට සල්ලි එකතු කරන්න, ප්‍රචාරය කරන්න, ඒවගේම ඒවායේ කොඩි, ලකුණු, සලකුණු පෙන්නන්න බැහැ කියලා.
මහජන ආරක්ෂක ඇමතිතුමත් මේ ගැන මාධ්‍යවලට කියලා තියෙනවා. රජය විදියට අපේ ස්ථාවරය මෙන්න මේකයි: නෑදෑයන්ව සිහිපත් කරන්න තියෙන අයිතියට අපි ගරු කරනවා. හැබැයි නීති විරෝධී වැඩවලට ඉඩ දෙන්නේ නැහැ.