රජයේ බුද්ධි යන්ත්‍ර­ණ­යට හා ජාතික ආර­ක්ෂා­වට බල­පෑම් එල්ල වන අයු­රින් පුවත් නිර්මා­ණය කොට
විදෙස් රටක සිට යූටි­යුබ් නාළි­කා­වක් ඔස්සේ පවත්වා යන යූටියුබ් නාලිකාවකට එරෙහිව හමුදා බුද්ධි අධ්‍ය­ක්ෂ­ක මගින් පැමිණිල්ලක් ගොනු කර තිබේ. අජිත් ධර්ම­පාල ගෙන එන ශ්‍රී ලංකා පොලි­සිය දේශ­පා­ල­න­යෙන් මුදා­ගැ­නීමේ ජාත්‍ය­න්තර සංවි­ධා­නය (IODPP Police) යන යූටි­යුබ් නාළි­කාව මෙම පැමිණිල්ලට ලක්කර තිබේ.



එම යූටි­යුබ් නාළි­කාව හරහා රටේ ජාතික ආර­ක්ෂාව වෙනු­වෙන් කැප­වන බුද්ධි නිල­ධා­රීන්ගේ නම් ගම් හෙළි කර­මින් ඔවුන්ගේ ජීවිත අනා­ර­ක්ෂිත තත්ත්ව­යට පත් කර ඇති බවත්   පව­ත්වා­ගෙන යනු ලබන අජිත් ධර්ම­පාල නමැ­ත්තාට එරෙ­හිව හමුදා බුද්ධි අධ්‍ය­ක්ෂ­ක­ව­රයා විසින් ඊයේ (11) අප­රාධ පරී­ක්ෂණ දෙපා­ර්ත­මේ­න්තු­වට පැමි­ණි­ල්ලක් ඉදි­රි­පත් කර ඇති බවට වාර්තාවේ.

මෙම යූටි­යුබ් නාළි­කාව මඟින් ඉදි­රි­පත් කරනු ලබන අසත්‍ය තොර­තුරු හේතු­වෙන් රටේ ජාති­වාදී කල­බ­ල­යක් මෙන්ම රටේ ජන­තාව නොස­න්සුන් කර­ව­මින් ප්‍රකෝ­ප­කාරී තත්ත්ව­ය­කට පත්විය හැකි වට­පි­ටා­වක් ගොඩ­නැ­ඟී­මට හැකි­යා­වක් ඇති බවත් ඒ හේතු­වෙන් මේ පිළි­බඳ පුළුල් පරී­ක්ෂ­ණ­යක් සිදු කරන ලෙස අප­රාධ පරී­ක්ෂණ දෙපා­ර්ත­මේ­න්තු­වෙන් හමුදා බුද්ධි අධ්‍ය­ක්ෂ­ව­රයා මෙම පැමි­ණිල්ල ගොනු කර­මින් ඉල්ලා ඇති බවත් වාර්තාවේ.