මිනීමැරුම් චෝදනා මත දුම්බර බන්ධනාගාරයේ රිමාන්ඩ් භාරයේ සිටින රැඳවියෙකු වෙනත් නඩුවකට අදාළව මඩකලපුව අධිකරණයට රැගෙන යමින් සිටියදී බන්ධනාගාර නිලධාරීන් දෙදෙනෙකුට පහර දී බරපතළ තුවාල සිදු කර ඇත.
පොලීසිය පැවසුවේ, තුවාල ලැබූ නිලධාරීන් මහනුවර ජාතික රෝහලට ඇතුළත් කර ඇති බව ය.
මෙම රැඳවියා දුම්බර බන්ධනාගාරයේ සිට මහියංගන මාර්ගය ඔස්සේ මඩකලපුව දක්වා ප්රවාහනය කරමින් සිටියදී ආක්රමණශීලී වී ජේලර්වරයාට සහ බන්ධනාගාර නියාමකවරයාට පහර දී තිබේ. බන්ධනාගාර බස් රථය දුම්බර බන්ධනාගාරය වෙත ආපසු ගිය අතර එහි සිටි නිලධාරීන් රෝහල් ගත කෙරුණා.
සිරකරු තර කළ ආරක්ෂාව යටතේ මඩකලපුව අධිකරණය වෙත රැගෙන යනු ලැබිණි.
Comments
Post a Comment
Your comment will be visible after approval