අඟහරුවාදා රාත්රියේ ඇමරිකාවේ නිව් යෝර්ක්හි කොලොම්බියා විශ්ව විද්යාලයේ සහ නිව් යෝර්ක් නගරයේ විශ්ව විද්යාලය (CUNY) හි වැටලීම් වලදී විරෝධතාකරුවන් 300 ක් පමණ පොලිසිය අත්අඩංගුවට ගත් බව නිලධාරීහු පවසති.
නගරයේ නගරාධිපති එරික් ඇඩම්ස් පවසන්නේ ගොඩනැගිල්ලක් අල්ලාගෙන සිටි අය ඉවත් කිරීමට කොලොම්බියාවේ ඉල්ලීම මත "දැවැන්ත මෙහෙයුම" සිදු වූ බවයි.
මෙම ගැටලුකාරී තත්වයට මුල්ව ඇත්තේ පලස්තීන ගැති උද්ඝෝෂණ නිසාය. මෙයට බාහිර බලපෑම් හේතුවී ඇති බවට නගර නිලධාරීහු ද චෝදනා කළහ.කැලිෆෝනියා විශ්ව විද්යාලයේ උපකුලපති, ලොස් ඇන්ජලීස් (UCLA) විශ්ව විද්යාලයේම පලස්තීන ගැති කඳවුර තුළ බිහිසුණු ප්රචණ්ඩ ක්රියා සිදුව ඇතැයිද වාර්තා කර ඇත.
ඊශ්රයාල පලස්තීන දෙපිරිසට පක්ෂපාතීන් අතර ගැටුම් හටගෙන ඇත.
ඔන්ලයින් දර්ශනවල දැක්වෙන්නේ පෙළපාලිකරුවන් - ඊශ්රායලයට සහය දක්වන - ඔවුන්ගේ ප්රතිවාදීන්ට පොලුවලින් පහර දීම සහ බාධක කඩා දැමීමට උත්සාහ කිරීමකි.
පොලිසිය විසින් දෙපාර්ශ්වය වෙන් කිරීමට පෙර පලස්තීන ධජයක් පැළඳ සිටි එක් අයෙකු ඇදගෙන ගොස් පහර දෙන අයුරු දැකගත හැකි විය.
ඊශ්රායලයට සම්බන්ධ සමාගම් සහ පුද්ගලයන් වර්ජනය කරන ලෙස සිසුන් ඉල්ලා සිටින බැවින් ගාසා තීරයේ යුද්ධය සම්බන්ධයෙන් එක්සත් ජනපද විශ්ව විද්යාල විරෝධතා මතුව ඇත.
