බොලිවුඩ් නළු සල්මන් ඛාන්ගේ නිවසට පිටතින් වෙඩි තැබීමේ සිද්ධියට සම්බන්ධ ආයුධ සැපයුම්කරුවන් දෙදෙනාගෙන් එක් අයෙකු පොලිස් අත්අඩංගුවේ සිටියදී අද සියදිවි නසාගෙන මිය ගිය බව ආරංචි මාර්ග පවසයි.
අප්රේල් 26 වන දින පන්ජාබ් ප්රදේශයෙන් අත්අඩංගුවට ගත් 32 හැවිරිදි අනුජ් තාපන් පෙරවරු 11 ට පොලිස් රිමාන්ඩ් භාරයේ සිටියදී එම ස්ථානයට අනුයුක්ත වැසිකිළියකට ගොස් මෙම පියවර ගත් බව ආරංචි මාර්ග පවසයි.
ඔහු තවත් රැඳවියන් 10 දෙනෙකු සමඟ රිමාන්ඩ් කර තිබූ අතර, පොලිස් භටයන් හතර පස් දෙනෙකුගේ ආරක්ෂාවද තිබී ඇත.
ඔහු සහ තවත් චූදිතයෙකු වන සෝනු සුභාෂ් චන්දර් අප්රේල් 14 වන දින නළුවාගේ මුම්බායි නිවසින් පිටත වෙඩි තැබීමට භාවිතා කළ ආයුධ ලබා දුන් බව කියනු ලැබේ.
අනුජ් තාපන් සියදිවි නසා ගැනීමට පෙලඹවූයේ කුමක් දැයි විමර්ශනය කරමින් පවතින බව ආරංචි මාර්ග පවසයි.
මහාරාෂ්ට්රයේ හිටපු ජ්යෙෂ්ඨ පොලිස් නිලධාරියෙකු වන පීකේ ජේන් NDTV නාලිකාව වෙත පැවසුවේ සිරකර තබා ඇති ඕනෑම මරණයක් මිනීමැරුමක් ලෙස වාර්තා වන බවයි. "පොලිස් ස්ථානයේ සිටින සියලුම පොලිස් නිලධාරීන් CID (අපරාධ විමර්ශන දෙපාර්තමේන්තුව) විසින් ප්රශ්න කරනු ඇත," ජේන් මහතා පැවසීය.
