බැටරියෙන් ක්‍රියා කරන සෙල්ලම් බඩු දරුවන්ට අවදානම් - GMOA

වෙළෙඳපොළේ අලෙවි කෙරෙන බැටරි ක්‍රියාකරවන සෙල්ලම් බඩු දරුවන්ට හානිකර බව රජයේ වෛද්‍ය නිලධාරීන්ගේ සංගමයේ (GMOA) සහකාර ලේකම් වෛද්‍ය පාලිත රාජපක්ෂ මහතා පවසයි.
මෙම සෙල්ලම් බඩු වල ලිතියම්, රිදී ඔක්සයිඩ් සහ alkaline button බැටරි අඩංගු වන බැවින් දරුවන්ට ඒවා ගිල දැමීමට, කනට හෝ නාසයට දැමීමට හැකි වන බවත්, දරුවන් මෙම බැටරි ගිල දැමුවහොත්, එහි විද්‍යුත් රසායනික ක්‍රියාකාරකම් හරහා දරුවාට මාරාන්තික තත්වයක් ඇති විය හැකි බවත් ඔහු පෙන්වා දෙයි.

ආහාර මාර්ගයේ පළමු කොටස (ආහාර නාලය) ස්වභාවිකව පටු වන බැවින්, මේවා ගිල දැමූ විට බැටරිය ආමාශය දක්වා ගමන් කර දැඩි හානි සිදු කළ හැකි බව වෛද්‍ය රාජපක්ෂ මහතා පැවසීය.
මේ හරහා බඩට පවා මාරාන්තික හානි සිදු විය හැකි බවත්, ස්වසන මාර්ගය අවහිර වී ජීවිතය පවා නැති විය හැකි බවත් ඔහු පැවසීය.
කුඩා දරුවකු මෙවැනි අනතුරකට ලක් වූ විට හැකි ඉක්මනින් දරුවා රෝහලකට රැගෙන ආ යුතු බවත්, එතෙක් විනාඩි 10කට වරක් දරුවාට ප්‍රථමාධාර ලෙස පිරිසුදු මී පැණි තේ හැඳි දෙකක් ලබා දිය යුතු බවත් ඒ මහතා වැඩිදුරටත් පැවසීය.