පසුගිය වසරේ වාර්තාගත සංක්‍රමණ සිදුවීමෙන් පසු නවසීලන්තය සිය රැකියා වීසා වැඩසටහනේ ක්ෂණික වෙනස්කම් සිදු කරන බව ඉරිදා ප්‍රකාශ කළ අතර එය “තිරසාර නොවන” ( "unsustainable") බව පැවසීය.
අඩු නිපුණතා සහිත රැකියා සඳහා ඉංග්‍රීසි භාෂා අවශ්‍යතාවය හඳුන්වාදීම සහ බොහෝ සේවා යෝජකයන්ගේ රැකියා වීසා සඳහා අවම කුසලතා සහ සේවා පළපුරුද්ද සීමාවක් සැකසීම වැනි ක්‍රියාමාර්ග මෙම වෙනස්කම්වලට ඇතුළත් වේ. බොහෝ අඩු කුසලතා සහිත භූමිකාවන් සඳහා උපරිම අඛණ්ඩ රැඳී සිටීම ද වසර පහේ සිට වසර තුනක් දක්වා අඩු කෙරේ.
"නිපුණතා හිඟයක් පවතින ද්විතීයික ගුරුවරුන් වැනි ඉහළ නිපුණතා සහිත සංක්‍රමණිකයන් ආකර්ෂණය කර ගැනීමට සහ රඳවා ගැනීමට රජය අවධානය යොමු කර ඇත" යනුවෙන් ආගමන අමාත්‍ය එරිකා ස්ටැන්ෆර්ඩ් නිවේදනයක් නිකුත් කරමින් කියා සිටියේය.
"ඒ අතරම, නිපුණතා හිඟයක් නොමැති රැකියා සඳහා නවසීලන්ත ජාතිකයින් ඉදිරියෙන් සිටින බවට අපි සහතික විය යුතුයි," ඇය පැවසුවාය.
පසුගිය වසරේ නවසීලන්තයට සංක්‍රමණය වූ පුද්ගලයන් සංඛ්‍යාව 173,000කට ආසන්න බව එම නිවේදනයේ දැක්වේ.
මිලියන 5.1 ක පමණ ජනගහනයක් සිටින නවසීලන්තයේ සංක්‍රමණික සංඛ්‍යාවේ ශීඝ්‍ර වර්ධනයක් වසංගතය අවසන් වීමෙන් පසු මතු කර ඇත.
මේ අතර අසල්වැසි ඕස්ට්‍රේලියාව, ඉදිරි වසර දෙක තුළ සිය සංක්‍රමණිකයන් බඳවා ගැනීම අඩකින් අඩු කරන බවද පවසා තිබේ.
0 Comments