පකිස්තානයේ හිටපු අගමැති ඉම්රාන් ඛාන් සහ ජෙමීමා ගෝල්ඩ්ස්මිත්ගේ පුත් කාසිම් ඔහුගේම සමාගමක් ආරම්භ කර තිබෙන බව එරට මාධ්ය වාර්තා සඳහන් කරයි. ජෙමීමා ගෝල්ඩ්ස්මිත් තම පුතු ගැන ආඩම්බර වන බවත් කාසිම් ඛාන් ඔහුගේම අලෙවිකරණ වේදිකාවක් දියත් කර ඇති බව ඇය හෙළි කළාය.
ජෙමීමා සහ ප්රසිද්ධ ක්රිකට් ක්රීඩක දේශපාලඥ ඉම්රාන් ඛාන්ට දාව උපන් තරුණ ව්යාපාරිකයා ගැන දැන් පකිස්ථානයේ මාධ්ය තුළ විශේෂ ප්රවෘත්ති පළවීමට පටන්ගෙන තිබේ.
කාසිම්ට අයත් සමාගමේ අලෙවිකරණ යෙදුම වන Mifu දියත් කිරීමත් සමඟ ඔහුගේ ව්යාපාරය වන Mifu Marketing නිල වශයෙන් එළිදක්වා තිබේ.
කාසිම් ඛාන් ව්යාපාරික ලෝකයට පිවිසීම ඔහුගේ කීර්තිමත් පරම්පරාවේ සෙවණැලිවලින් ඔබ්බට තමාටම නමක් දිනා ගැනීමට යන ගමනේ වැදගත් පියවරක් සනිටුහන් කරයි. Mifu යෙදුම හරහා බලපෑම් කරන්නන් සහ වෙළඳ නාම අතර සම්බන්ධතා සඳහා පහසුකම් සැලසීම අරමුණු කරයි.
ඉම්රාන් ඛාන්, ක්රිකට් නායකයෙක් සහ බලගතු දේශපාලන චරිතයක් බවට පත්වූ පකිස්තානුවෙකි. දේශපාලන කැලඹිලිවල කේන්ද්ර චරිතයක්ද වී ඇත. මෙම වසර මුලදී ඔහු අත්අඩංගුවට ගැනීම මතභේදයට තුඩු දී ඇති අතර ප්රතිවාදීන්ගේ දේශපාලන බලපෑම් ගැන විවිධ වාද විවාද ඇති විය.
පකිස්තාන ටෙහ්රීක්-ඊ-ඉන්සාෆ් (පීටීඅයි) හි සභාපති ඉම්රාන් ඛාන් දැනට පවතින රජය විසින් කරන ලද දූෂණ චෝදනා සම්බන්ධයෙන් නඩුවට අදාළව මේ වනවිට සිරගතව සිටී.
Comments
Post a Comment
Your comment will be visible after approval