විනය විරෝධී ක්‍රියාවල යෙදෙන භික්ෂූන්ට එරෙහිව පියවර ගැනීමට සංඝාධිකරණ පනත් කෙටුම්පත වහාම බලාත්මක කළ යුතු බවත් එවැනි සිද්ධි යොදාගනිමින් බුද්ධ ශාසනයට එරෙහිව කටයුතු කරන කණ්ඩායම්වලට එරෙහිව පියවර ගතයුතු බවත් අමරපුර මූලවංශික නිකායේ ලේඛකාධිකාරි අකුරල මංජුල තිස්ස නාහිමියෝ ප්‍රකාශ කළහ.
භික්‍ෂූන් කිහිප නමක් කරන පහත් නින්දිත ක්‍රියා උලුප්පමින් ඒවා අන්තර්ජාලයට යොමු කර පොදුවේ මහා සංඝරත්නය විනාශ කර බෞද්ධ සම්බන්ධය විනාශ කිරීමේ සංවිධාන ඇති බවත්, ඒවාට විශාල වශයෙන් මුදල් එන බවත්, නාහිමියෝ පැවසූහ.
වැරදි කරන කිසිදු භික්‍ෂුවක් ආරක්‍ෂා කරන්න කිසිදු බලාපොරොත්තුවක් නොමැති බව කී අකුරල මංජුලතිස්ස නාහිමියෝ එවැනි භික්‍ෂූන්ගේ නිකායේ නායක හිමිවරුන්ට විනය පරීක්ෂණයක් කර, නෙරපා හැරිය හැකි බව ද සඳහන් කළහ. එසේ නොවේ, නම් පොලිසියට සහ අධිකරණයට වැරැද්දේ ප්‍රමාණයට දඬුවම් කිරීමේ කිසිදු තහනමක් නොමති බවත්, මෙහිදී ප්‍රහාර එල්ල කරන්නේ පෞද්ගලික නාමයට නොව සමස්ත බෞද්ධ ආගමට බවත් උන්වහන්සේ පැවැසූහ.
0 Comments