ඉරිදා වෙනුවට සතිපතා ඉන්ධන ටොප්අප් දිනය අඟහරුවාදා කරලා

ජාතික ඉන්ධන අවසරපත්‍ර QR කෝටාව යටතේ සතිපතා පිරවුම් දිනය ඊයේ (8) සිට සංශෝධනය කර ඇති අතර, නව දිනය අඟහරුවාදාය. ඒ අනුව ඉරිදා වෙනුවට අඟහරුවාදා සියලුම ගිණුම්වල උපරිම කෝටාව (උදා -කාර් රථ ලීටර 20) ලබා දේ.

පාරිභෝගිකයින්ගෙන් සතිපතා වෙන් කරන ලද ඉන්ධන කෝටාව සඳහා නැවත ලියාපදිංචි වීමක් අවශ්‍ය නැත.
පවතින කේතයම පෙර පරිදි භාවිතා කරන ලෙස ඉල්ලා සිටින බව විදුලිබල හා බලශක්ති අමාත්‍යාංශය පවසයි.
අමාත්‍ය කාංචන විජේසේකර මහතා පවසන්නේ
ජාතික ඉන්ධන බලපත්‍ර QR කෝටාව සඳහා සතිපතා ටොප්අප් දිනය ඉරිදා වෙනුවට අඟහරුවාදා ලෙස වෙනස් කර ඇත්තේ ලංකා ඛනිජ තෙල් නීතිගත සංස්ථාව (CPC) සහ Ceylon Petroleum Storage Terminals Limited (CPSTL) සති අන්තයේ ක්‍රියාත්මක කිරීමෙන් බෙදා හැරීමේ පිරිවැය අඩු කිරීමට බවය.
කෙසේ වෙතත්, ඉන්ධන කෝටාවේ අගයන් තවදුරටත් නොවෙනස්ව පවතිනු ඇති බව ඔහු පැවසීය.