ඉන්දුනීසියාවේ ඉන්ධන ගබඩාවක් ගිනිගෙන 17 ක් මරුට

ඉන්දුනීසියාවේ රාජ්‍ය බලශක්ති සමාගමක් වන පර්ටමිනා (PERTM.UL) විසින් ජකර්තා අගනුවර පවත්වාගෙන යනු ලබන ඉන්ධන ගබඩා ස්ථානයක සිකුරාදා ඇති වූ ගින්නකින් අවම වශයෙන් පුද්ගලයින් 17 දෙනෙකු මිය ගොස් ඇතැයි රොයිටර් පුවත් වාර්තාකරයි.

ප්‍රාදේශීය වේලාවෙන් රාත්‍රී 8 ට පසු ආරම්භ වූ ගින්නෙන් සමහර නිවාස පිළිස්සී ඇති අතර ජනාකීර්ණ ප්‍රදේශවල අවට පදිංචිකරුවන් භීතියට පත්ව ඔවුන්ගෙන් සමහරෙකු තම බඩු බාහිරාදිය රැගෙන පලා ගිය බව විකාශකයින්ගේ දර්ශන පෙන්වයි.

සිකුරාදා රාත්‍රී 10.30 ට පමණ ගින්න නිවා දැමූ බව Pertamina ප්‍රකාශකයෙක් පැවසීය.

ඉන් පසුවත් නිවාස අවට ගින්න තවමත් දක්නට ලැබුණු බව ගිනි නිවන ස්ථාන නිලධාරියෙක් සඳහන් කළේය.

ගිනි නිවීමේ ඒකකයේ නිලධාරියෙකු වන රහමට් ක්‍රිස්ටැන්ටෝට අනුව,  පුද්ගලයින් 17 දෙනෙකු මිය ගොස් ඇතැයි තහවුරු කර ඇත.මියගිය අයගෙන් දෙදෙනෙකු ළමයින් වන අතර, එක් දරුවෙකු ඇතුළු 50 දෙනෙකු තුවාල ලබා ඇත.
තුවාල ලැබූ බොහෝ දෙනා පිළිස්සුම් තුවාල ලබා ඇත.