කෘත්‍රීම පාදයක අටවාගෙන ආ බෝම්බය පිපිරී තලේබාන් ප්‍රධාන පූජකයෙකු මරුට

Ad Code

කෘත්‍රීම පාදයක අටවාගෙන ආ බෝම්බය පිපිරී තලේබාන් ප්‍රධාන පූජකයෙකු මරුට

taliban-cleric-killed-in-blast-in-kabul

ප්‍රමුඛ තලේබාන් පූජකයෙකු වන ෂෙයික් රහිමුල්ලා හකානි කාබුල්හි සෙමනේරියකදී බ්‍රහස්පතින්දා මරාගෙන මැරෙන ප්‍රහාරයකින් ජීවිතක්ෂයට පත්විය. ප්‍රහාරකයා ප්ලාස්ටික් කෘතිම පාදයක සඟවා තිබූ බෝම්බයක් පුපුරවා හරින ලද බවත් මෙම ප්‍රහාරයෙන් පූජකවරයා මිය ගිය බවත් තලේබාන් ආරංචි මාර්ග පවසයි.



"ගෞරවනීය පූජකයා (ෂෙයික් රහිමුල්ලා හකානි) සතුරන්ගේ බියගුලු ප්‍රහාරයකින් දිවි පිදූ බව ඉතා කණගාටුදායක ලෙස දන්වා සිටිමු" තලේබාන් පරිපාලනයේ ප්‍රකාශක බිලාල් කරිමි පැවසීය.

පිපිරුම පිටුපස සිටින්නේ කවුරුන්ද යන්න ක්ෂණිකව අනාවරණය වී නොමැත.

තලේබාන් ආරංචි මාර්ග හතරක් රොයිටර් පුවත් සේවයට පැවසුවේ ප්‍රහාරකයා මීට පෙර පාදයක් අහිමි වූ අයෙකු බවත් පුපුරණ ද්‍රව්‍ය ප්ලාස්ටික් කෘතිම පාදයේ සඟවාගෙන සිටි බවට සාක්ෂි හමුව ඇති බවයි.

"මේ ... පුද්ගලයා කවුද සහ ෂෙයික් රහිමුල්ලා හකානිගේ පෞද්ගලික කාර්යාලයට ඇතුළු වීමට ඔහුව මෙම වැදගත් ස්ථානයට ගෙන ආවේ කවුරුන්ද යන්න පිළිබඳව අපි විමර්ශනය කරමින් සිටිමු. එය ඇෆ්ගනිස්ථානයේ ඉස්ලාමීය එමීර් රාජ්‍යයට ඉතා විශාල පාඩුවක්" යැයි තලේබාන් සංවිධානයේ ජ්‍යෙෂ්ඨ නිලධාරියෙක් පැවසීය.


හකානි යනු 2020 දී උතුරු පාකිස්තානයේ පෙෂාවර් නගරයේ සිදුවූ විශාල පිපිරීමක් ඇතුළුව, අවම වශයෙන් පුද්ගලයින් හත් දෙනෙකුට මරු කැඳවූ ඩයිෂ් විසින් ප්‍රකාශ කරන ලද පෙර ප්‍රහාරවලින් දිවි ගලවා ගත් තලෙයිබාන් සංවිධානයේ ප්‍රමුඛ පූජකයෙකි.

තලේබාන් සංවිධානය පවසන්නේ ඔවුන් වසරකට පමණ පෙර විදේශ හමුදා ඉවත් කර ගැනීමත් සමඟ තමන් භාර ගැනීමෙන් පසු ආරක්ෂාව යථා තත්ත්වයට පත් කළ බවයි. කෙසේ වෙතත්, Dai'sh විසින් ප්‍රකාශ කරන ලද සාමාන්‍ය ප්‍රහාර, බොහෝ විට ආගමික සහ වාර්ගික සුළු ජාතීන් මෙන්ම තලේබාන් නායකයින් ඉලක්ක කර ගනිමින් මෑත මාසවල සිදු විය.





ඔබේ ප්‍රතිචාරය කුමක්ද?

Read Other News


Close Menu