උතුරු යුක්රේනයේ චර්නිහිව් නගරයේ පාසල් සහ බහු මහල් නේවාසික ප්‍රදේශවලට රුසියානු හමුදා විසින් එල්ල කරන ලද ප්‍රහාරවලින් අවම වශයෙන් පුද්ගලයන් 33 දෙනෙකු මිය ගොස්  ඇතැයි විදෙස් මාධ්‍ය වාර්තා කර තිබේ. ප්‍රහාරයෙන් 17 දෙනෙක් තුවාල ලැබූහ.




මියගිය අය කවුදැයි තවම හඳුනාගෙන නැත.
යුක්රේනයේ හදිසි සේවා උපුටා දක්වමින් ඉන්දීය මාධ්‍ය එන්ඩීටීවී වාර්තා කර තිබුනේ Chernihiv නගරය කියෙව් සිට කිලෝමීටර් 120ක් ඊසාන දෙසින් පිහිටා ඇති ස්තානයකට රුසියානු හමුදා උතුරේ සිට පහර දී ඇති බවයි.

Chernihiv හි නියෝජ්‍ය නගරාධිපති Regina Gusak නගරය "බෝම්බ ප්‍රහාරයකට" ගොදුරු වූ බව සහතික කළේය.

යුක්රේනයේ හදිසි සේවා විසින් නිකුත් කරන ලද පින්තූරවලින් පෙන්නුම් කරන්නේ දැඩි ලෙස හානි වූ නේවාසික ගොඩනැගිලිවලින් දුමාරය පිටවන ආකාරයයි. ගැලවුම්කරුවන්ගේ සිරුරු ස්ට්‍රෙචරයක් මත රැගෙන යමින් සිටිති.



සතියකට පෙර යුක්රේනය ආක්‍රමණය කිරීමෙන් පසු රුසියාව කියා සිටියේ තමන් සිවිල් වැසියන් සිටින ප්‍රදේශ ඉලක්ක නොකරන බවයි.