නාගොඩ කැප්පෙටියාගොඩ දොළ ඉහළ පදිංචි සිටි කේ.වී. සරත් පියතිලක (44) යන අය නිවසේ ආලින්දයේ වැටී අභිරහස්  ලෙස මිය ගොස් සිටියදී සොයා ගත් බව නාගොඩ පොලිසිය කියති.  මියගිය තැනැත්තා තම මව සමග එම නිවසේ පදිංචිව සිටින අතර ඉකුත් 12 දින මව යක්කලමුල්ලේ පිහිටි ඇයගේ දියණියගේ නිවෙසට ගොස්  සිටියදි 
මරු මුවට පත්ව ඇති බව පොලිසිය කළ පරීක්ෂණයකදී හෙළි විය.  මියගිය පුද්ගලයා ඉකුත් 12 දින පස්වරු 4ට පමණ  කාන්තාවකට දුරකථන ඇමතුමක් දී පපුව රිදෙන බව පැවසු බවත් පසුව එම කාන්තාව විසින් එදින රාත්‍රියේ දුරකථන මගින් මියගිය පුද්ගලයා ඇමතුවද පිළිතුරු නොමැති බැවින් එම කාන්තාව පොලිසියට පැමිණිලි කර පරික්ෂණ පැවැත්වීමේදී මෙම මළ සිරුර සොයා ගත් බව නාගොඩ  පොලිස් ස්ථානාධිපති ප්‍රධාන පොලිස් පරික්ෂක ප්‍රධාන පොලිස් පරික්ෂක ධම්මික ඩයස් මහතා පැවැසීය.


මෙම මරණය සම්බන්ධයෙන් බද්දේගම වැඩ බලන මහේස්ත්‍රාත් වීරසිරි ඩයස් මහතා සිද්ධිය වූ ස්ථානයේදී ඊයේ (13) පෙරවරු මහේස්ත්‍රාත් පරික්ෂණය පවත්වා මෘත දේහය පශ්චාත් මරණ පරීක්ෂණය සඳහා කරාපිටිය ශික්ෂණ  රෝහලේ අධිකරණ වෛද්‍ය නිලධාරි වෙත යැවීමටත් එහිදී පී.සි.ආර්. පරීක්ෂණයක් සිදු කිරීමටත් නියෝග කළේය.


 -හේමපාල ලියනගේ-