මිනිසෙකු සිය නාසයෙන් අඩ සියවසකට වැඩි කාලයක් සිරවී සතිබූ කාසියක් සැත්කමකින් ඉවත් කරන ලද
පුවතක් රුසියාවෙන් වාර්තාවේ.
59 හැවිරිදි මෙම රුසියානු ජාතිකයාගෙන් සිදු කළ රෝග විනිශ්චයේදී නාසයේ කාසියක් සිරවීම ඔහුට වයස 6 දී සිදුවූ බව දන්වා ඇත. දකුණු නාස්පුඩුව තුළට සෙල්ලමට මෙන් දැමූ කාසිය සිරවූ නමුත් තමන්ට නිතර සැර කළ මවට එම සිද්ධිය නොදන්වා සිටින්නට ඔහු පෙළැඹුනේ ඒ කාලයේ මවට ‘ඕනෑවට වඩා බය’ වූ නිසා බව පවසා තිබේ.

පසුව නාසයේ සිරවූ කාසිය සමග දිවි ගෙවීමට කාලයක් පුරුදුවූ බවත් එය ‘අමතක වූ’ බවත් ප්‍රාදේශීය මාධ්‍ය වාර්තා කර තිබේ. ඔහුගේ දකුණු නාස්පුඩුව තුළින් කිසිසේත් හුස්ම ගැනීමට නොහැකිව තිබූ අතර මෑතක ඒ ගැන උනන්දුවන තාක්කල් අවුරුදු පනහක් තනි නාස්පුටුවකින් හුස්ම ගනිමින් ඔහු කාලය ගත කර තිබේ.
 ඔහු රෝහලට ඇතුළත් කර සිදු කළ ස්කෑන් පරීක්සාවේදී නාසික ඡේදයේ අනපේක්ෂිත වස්තුව පෙන්වන බව වෛද්‍යවරුන් සඳහන් කරන ලදි.
සාමාන්‍ය නිර්වින්දනය යටතේ ගල් ඉවත් කිරීම ඉන් පසු සිදු කෙරිණි. එන්ඩොස්කොපික් සැත්කමක් මගින් එය සිදු විය.වසර 53 කට පසු සෝවියට් එක් කොපෙක් කාසියක් නාසයෙන් මුදාගත් අතර 1991 දී සෝවියට් සංගමය බිඳවැටීමෙන් පසුව රුසියාවේ භාවිතා කිරීම නවතා දැමූ  මිටිය සහ දෑකැති ලාංඡනය එහි තිබුණි.

(metro.co.uk පුවත් වාර්තාවක් ඇසුරිනි)