මින් ඉදිරියට කොරෝනා ආසාදිතයෙක් වාර්තා වුවහොත් ඔවුන්ගේ පළමු ආශ්‍රිතයින් නිරෝධායන මධ්‍යස්ථාන

වෙත රැගෙන නොගොස් නිවෙස් නිරෝධායනයට යොමු කිරීමට තීරණය කළ බව යුද හමුදාපති ලුතිනන් ජනරාල් ශවේන්ද්‍ර සිල්වා සඳහන් කර සිටියි.

මේ දක්වා සිදුකරගෙන ගිය නිරෝධායන ක්‍රමවේදය

සම්බන්ධයෙන් ජනාධිපතිවරයාගේ උපදෙස් පරිදි සිදුකළ නැවත අධික්ෂණයක් අනුව මෙම තීරණය ගත් බවත් ඒ අනුව ජනාධිපතිවරයාගේ උපදෙස් මත මෙම නිවෙස් නිරෝධායන ක්‍රමවේදය ක්‍රියාත්මක කරන බව යුද හමුදාපතිවරයා සඳහන් කළේය.

මෙසේ හඳුනා ගනු ලබන පළමු පෙළ ආශ්‍රිතයින් ලෙස හඳුනා ගන්නා පුද්ගලයින් සිය නිවෙස් තුලම රැඳී සිටිනු ඇති බවට අපේක්ෂා කරන බව මෙහිදී යුද හමුදාපතිවරයා වැඩිදුරටත් සඳහන් කළේය.

නිවෙස් නිරෝධායනයේදී අදාළ පුද්ගලයින් පිටතට නොපැමිණේය යන්න විහ්වාස කරන බව දන්වා සිටියි.

එසේම දැනට පවතින ඇඳිරි නීතිය හෝ හුදෙකලා කිරීම් දිගටම පවතින බවත් සමස්ත තත්වය සලකා ඒ්වා ලිහිල් කිරීම සිදු කරන බවත් දන්වා සිටියේය.