මෙම වසංගතය දැන් 'සමුල ඝාතන අවියක්’ බවට පත් කරගෙන ඇතැයි ඔහු චෝදනා කර සිටියි.
"අද මෙය සමුල ඝාතන අවියක් බවට පත් කරගෙන. ඔව්. බොහෝ මරණ වළක්වා ගන්න පුළුවන්කම තිබුණා." ලූලා පවසයි. 2003 වසරේ සිට 2011 වසර දක්වා ධුර කාල දෙකක් බ්‍රසීලයේ ජනාධිපති ධුරය දැරූ ලූලා ද සිල්වා මේ වන විට 74 වියේ පසුවෙයි. මේ අතර ලබන වසරේ පැවැත්වෙන බ්‍රසීල ජනාධිපතිවරණය සඳහා ඉදිරිපත් වීමටද ලූලා අපේක්ෂා කරමින් සිටින අතර, මෙම අදහස් දැක්වීම එම පිවිසීම සඳහා ලබා ගන්නා අවස්ථාවක් බවටද පත්ව තිබේ.
සිය පාලන සමය තුළදී සිදුකළ බවට එල්ල වූ බලය අයුතු ලෙස භාවිත කිරීමේ චෝදනා සහ මූල්‍ය වංචා චෝදනා යටතේ ඔහු පසුගිය කාලසීමාවේදී බන්ධනාගාරගතව සිටි අතර, පසුගිය නොවැම්බර් මාසයේදී ඉන් නිදහස ලැබීය.
