[Trending][btop]
[News][stack]

හෙද කාර්ය මණ්ඩලයේ අය ලෙස සැරසී සොරකමේ ගිහින්

කොරෝනා වෛරස වසංගතය හේතුවෙන් බොහෝ දෙනා පීඩාවකට පත්ව සිටින වාතාවරණයක් තුළ ලෝකයේ සෑම රටකම රෝගීන්ගේ සුවය වෙනුවෙන් වෙහෙස මහන්සි වී වැඩ කරන ප්‍රබලම පිරිස වන්නේ වෛද්‍ය මණ්ඩලය සහ හෙද කාර්ය මණ්ඩලයයි.  මෙවන් අසීරු අවස්ථාවක් මධ්‍යයේ හෙදියන් ලෙස සැරසී
සිටින කාන්තාවන් වොෂිංටන් ප්‍රාන්තයේ විවිධ සොරකම් සඳහා දායක වී ඇති බවට තොරතුරු වාර්තා විය.

මෙම වෛරස අර්බුදය මධ්‍යයේ හෙදියන් ලෙස සැරසී සිටින කාන්තාවන් දෙදෙනෙකු වොෂිංටන් ප්‍රාන්තයේ ද්වාර මණ්ඩප ඉදිරිපස සිට පැකේජ හෙවත් විවිධ ඇසුරුම් පොදි සොරකම් කර ඇති බව පළාත් පාලන ආයතනය පවසා තිබේ. කෙනෙවික් පොලිස් දෙපාර්තමේන්තුව ෆේස්බුක් සමාජ මාධ්‍ය ඔස්සේද  රබර් අත් වැසුම් පැළඳ සිටින මෙම කාන්තාවන් දෙදෙනාගේ ඡායාරූප පලකර තිබුණි. ඔවුන් මෙම ඡායාරූපය පළ කරමින් ප්‍රකාශ කර ඇත්තේ මෙම කාන්තාවන් දෙදෙනා හෙදියන් නොවන බවට තම දෙපාර්තමේන්තුව විශ්වාස කරන බැවින් ඔවුන් දෙදෙනා හැකි ඉක්මනින් සොයා ගැනීමට උපකාර කරන ලෙස  ජනතාවගෙන් ඉල්ලා සිටින බවයි.

එමෙන්ම කෙනෙවික් පොලිස් දෙපාර්තමේන්තුවේ ප්‍රකාශකයෙකු ඉරිදා ඇමරිකා එක්සත් ජනපදයට පවසා ඇත්තේද සැකකාර කාන්තාවන් කිහිප දෙනෙකු පිළිබඳව තොරතුරු සොයා ගෙන ඇති නමුත් තවමත් කිසිවකු අත්අඩංගුවට ගෙන නොමැති බවයි.

(රිෂ්මි ඉෂාරා)