[Trending][btop]
[News][stack]

වෛරස පාලනය කළ රටවල් පවා අවධානය වැඩිකළ යුතුයි - වසංගත රෝග විද්‍යාඥ මාරියා වෑන්

COVID-19 වෛරසය සම්බන්ධයෙන් නිශ්චිත පුරෝකථනයක් ඇති බව සඳහන් කරමින් පෙරේදා (25 ජිනීවා නුවරදී පැවති මාධ්‍ය හමුවට එක්වෙමින් ඇය මෙම අදහස් පළ කළාය."මට හොඳින් වැටහෙනවා. මමත් ඔබ වගේම බෝට්ටුවක තමයි ඉන්නෙ. අප හැමෝටම ඕනේ මේක අවසානයක් දකින්නයි. ඒත් අපිට තව ගොඩාක් දුර යන්න තියෙනවා."වැන් කර්කොව් පැවසීය.   
       
එසේම සාමාන්‍ය ඉන්ෆ්ලුවෙන්සා උණ සහ COVID-19 සම-ආසාදනයක් හෝ සම-සංසරණයක් සිදුවුවහොත් තත්ත්වය වඩාත් නරක අතට හැරීමට හැකි බවද ඇය අනතුරු ඇඟවූවාය.
 "එසේ වුවහොත් එය අපගේ අවබෝධය අවුල් කිරීමට පුළුවන්. මොකද, පරික්ෂණයක් සිදු නොවූ අවස්ථාවක මිනිසුන්ට ආසාදනය වී ඇත්තේ කුමක් දැයි අපට එක්වරම අවබෝධ කරගැනීමට නොහැකි වේවි. එය සමස්ත පද්ධතියම ගංවතුරකට හසුවූවාක්  වැනි දෙයක්. එමගින් දැනට කරගෙන යන දේත් යටපත් වීමට පුළුවන්.” ඇය සඳහන් කළාය.

අවස්ථාවක් ලබාදුනොත් වෛරසය. පැතිරී යළි ආරම්භ වන බව අවධාරණය කරමින් ඇය පවසා සිටියේ, "කොරෝනා වෛරස්වල විශේෂ ලක්ෂණයක් වන්නේ, යම් යම් ස්ථානවල විස්තාරණය වීමට ඊට ඇති හැකියාවයි. එනම් සම්ප්‍රේෂණය වීමට ඇති හැකියාව හෝ සුවිශේෂී පැතිරීමක් සිදුවීමේ හැකියාවයි. විශේෂයෙන්ම සංවෘත පරිශ්‍රයන් තුළ (වාතාශ්‍රය හරිහැටි නොලැබෙන ආවරණය වූ තැන්වලට අවස්ථා ගණනාවකදී අප මෙය දැක තිබෙනවා. එවැනි ස්ථානයකදී  වෛරසයට අවස්ථාවක් ඇති විට එයට පහසුවෙන්ම සම්ප්‍රේෂණය කළ හැකියි." යනුවෙනි.

"සෑම රටක්ම මේ අවස්ථාවේදී  දැඩි අවධානයෙන් සිටිය යුතුයි. වෛරසය මර්දනයෙහි සාර්ථක වී ඇති රටවල්, ආසාදිතයන් පහළ ගොස් ඇති රටවල් ඇතුළු සියලු රටවල් ආසාදිතයන්  වේගයෙන් හඳුනා ගැනීමට සූදානම් විය යුතුයි."යනුවෙන් ඇය වැඩිදුරටත් පවසා සිටියාය.