ඉගෙනුම ලබමින් සිටි පී.ජී. ලක්ෂාන්
සිසුවාගේ සිරුර සම්බන්ධ පශ්චාත් මරණ පරික්ෂණ කටයුතු එහි අධිකරණ වෛද්‍ය නිලධාරිවරයා විසින් සිදුකිරිමට නියමිතව තිබුණි. මෙම සිසුවා වික්ටෝරියා ජලාශයට වැටුණාද ,නොඑසේනම් ඔහු ජලාශයට පැන්නාද, සිසුවාට කිසියම් අයකුගෙන් අනතුරක් වූවාදැයි යන කරුණු සම්බන්ධයෙන් විදිමත් පරික්ෂණයක් පැවැත්වීමට පොලිසිය ඊයේ (5) සවස ක්‍රියාත්මක වූ බව තෙල්දෙණිය පොලිසිය කියයි. මෙම සිසුවාගේ කලිසමේ සාක්කුවේ තිබූ ජංගම දුරකථන දෙකක් පොලිසිය විසින් සොයාගනු ලැබීය.
මෙම ජංගම දුරකථන දෙකේ අවසන් පැය කිහිපයේදි පැමිණි දුරකථන ඇමැතුම් සහ ලබාගත් දුරකථන ඇමතුම් සම්බන්ධයෙන් විශේෂ විමර්ශනයක් සිදුකරන බව පොලිසිය කියයි. මෙම සිසුවා සම්බන්ධයෙන් සිදුකරනු ලබන මූලික පරීක්ෂණවලදී මව්පියන්ගෙන්ද පාසලේ මිතුරන්ගෙන්ද තොරතුරු ලබාගන්නා බව මේ සම්බන්ධයෙන් පරීක්ෂණ පවත්වන පොලිසිය කියයි.
-ජේ.එ.එල්.ජයසිංහ-
