කොරෝනා වෛරසය හේතුවෙන් මෙරට සංචාරක කර්මාන්තය යළිත් කඩා වැටීමකට?

Ad Code

කොරෝනා වෛරසය හේතුවෙන් මෙරට සංචාරක කර්මාන්තය යළිත් කඩා වැටීමකට?

චීනය ඇතුළුව ලොව රටවල් කිහිපයක ව්‍යාප්ත වී ඇති නව කොරෝනා වෛරසය (2012-nCoV) හේතුවෙන් විදෙස් වෙළෙඳ පොළරැසකම ගනුදෙනු පසුගිය දින කිහිපයේදී යම් පසුබෑමක් පෙන්නුම් කෙරිණි.



එහිදී ප්‍රධානවම කොරෝනා වෛරස බිය නිසා ඇතිව තිබෙන ගෝලීය සංචාරක කර්මානයේ කඩා වැටීම ඊට යම් තරමකින් බලපෑම් එල්ල කර තිබේ.

අද වන විට ලොව මුල් පෙළේ සංචාරකයෙකු බවට මැද පන්තියේ චීන ජාතිකයා පත්ව තිබීමත්, ලොව රටවල් රැසකම සංචාරක ආදායම් මාර්ගයේ ප්‍රධාන ප්‍රභවයක් බවට චීන ජාතික පත්ව තිබීමත් ඊට හේතුව වී ඇත.ශ්‍රී ලංකාවද එම රාජ්‍යයන් අතරින් එකකි.

අද වනවිට මෙරට වාර්ෂික සංචාරක පැමිණීමෙහි තෙවැනියට වැඩිම සංචාරක පැමිණීමෙහි තෙවැනියට වැඩිම සංචාරක පැමිණීමක් සිදුකරන රට වන්නේ චීනයයි.

වාර්තා සඳහන් කරන ආකාරයට පසුගිය වසරේදී පමණක් මෙරටට පැමිණි සමස්ත සංචාරකයන් සංඛ්‍යාව වූ ලක්ෂ 19 අතරින් චීන සංචාරකයන් සංඛ්‍යාව එක්ලක්ෂ හැටහත් දහස් අටසිය හැටතුනකි. (එහෙත් මෙය පාස්කු ප්‍රහාරය නිසා අඩුවූ සංඛ්‍යාවකි.)2018 වසරේදී මෙය දෙලක්ෂ හැටපන්දහස් නවසිය හැට පහක් විය.

බහුතරය මුදල් යහමින් පවතින සංචාරකයන් වන මෙම චීන ජාතිකයන් මෙරට තුළදී බොහෝ ඉහළ මට්ටමේ ගනුදෙනු සිදුකරයි. ශ්‍රී ලංකාවේ මැණික් හා ස්වර්ණාභරණ මිලදී ගැනීම ඒ අතරින් මූලික වෙයි.

එහෙත් මෙම කොරෝනා වෛරසයේ ව්‍යාප්තියත් සමගින් මේ වසර ආරම්භයේ සිටම මෙරටට පැමිණෙන චීන සංචාරකයන්ගේ සංඛ්‍යාව ක්‍රමයෙන් අඩු වෙමින් තිබේ.

වාර්තා පවසන ආකාරයට වසරේ මුල් මාස තුන චීන නව අවුරුදු උදාව යෙදී තිබීමත්, ඒ සඳහා ලැබෙන නිවාඩු නිසා එය චීන සංචාරකයන් වැඩි දෙනෙකු සංචරණයේ යෙදෙන කාලසීමාවක් බවට පත්ව තිබේ. ශ්‍රී ලංකාවද පසුගිය වසර ගණනාව තුළදී මෙම අවස්ථාවෙන් ඉහළ ප්‍රයෝජන ගත් රටකි.

පසුගිය වසරේ අප්‍රේල් මාසයේ පාස්කු ඉරිදා ප්‍රහාරය එල්ල වීමට පෙරාතුව ජනවාරි, පෙබරවාරි සහ මාර්තු මාසවලදී පිළිවෙළින් චීන සංචාරකයන් 28,039ක්, 23,759 ක් සහ 23,759ක් මෙරටට පැමිණ තිබේ.

එහෙත් උද්ගතව ඇති මේ වාතාවරණය අනුව මේ වසරේදී එවැනි චීන සංචාරක පැමිණීමක් බලාපොරොත්තු විය නොහැකි බව සිය ජනතාවට විදෙස් සංචාරක තහනම් පැමිණවීම ඊට හේතුවකි.

මේ හේතුවෙන් ඉදිරි මාස තුන සඳහා වෙන්කර තිබූ සංචාර රැසක්ම අවලංගු වී ඇතැයි වාර්තතා සඳහන් කරයි.චීන සංස්කෘතික සහ සංචාරක අමාත්‍යාංශයද පසුගිය සති අන්තයේදී එරට සංචාරක නියෝජිත ආයතන සහ සංචාරක සමාගම් වෙත සංචාරක පැකේජ අලෙවි කිරීම නවත්වන ලෙසද දැනුම්දීම් සිදුකර ඇතැයි මාධ්‍ය වාර්ත පවසා සිටියි.

යුරෝපා ජාතිකයන් මෙන් නොව සාමාන්‍යයෙන් මෙම චීන ජාතිකයන් කණ්ඩායම් වශයෙන් සංචාරයේ යෙදෙන්නන්ය. මෙම එක් කණ්ඩායමක සංචාරකයන් 1Oත්20ත් අතර සංඛ්‍යාවක් සිටියි. ඒ අනුව එක්වරම අවලංගු වන්නේ සංචාරකයන් විශාල ප්‍රමාණයකගේ පැමිණිමකි.

දැනටමත් කොළඹ පිහිටි. සංචාරක නියෝජිත ආයතන කිහිපයක්ම මෙවැනි අවලංගු කිරීම්වලට මුහුණ දී තිබේ. ඉදිරියේදී පවතින තත්ත්වය අනුව මෙය තවත් දරුණු විය හැකි බවටත් ඔවුන් අදහස් පළ කර සිටියි.

චීන සංචාරක ඇකඩමියේ වාර්තාවලට අනුව චීන ජාතික සංචාරකයන් අතරින් 55%ක් දෙනා තම රටින් පිට සිදුකරන සංචාරවලදී සංචාරක පැත්තේ තෝරා ගැනීමට වැඩි කැමැත්ත පළ කරයි. ඒ අනුව චීන රජය පනවා ඇති සංචාරක තහනම මෙම කණ්ඩායම් වෙත මූලිකවම බලපාන අතර, තනි තනි ලෙස සංචාරයේ යෙදෙන පිරිස් වෙත එය බලනොපානු ඇති බව විශ්වාසය වී තිබේ.

මේ අතර ශ්‍රී ලංකා රජයද පෙරේදා දිනයේ සිට චීන ජාතිකයන් වෙත ලබාදී තිබූ 'ඔන් ඇරයිවල් වීසා ' පහසුකම
ජාතිකයෙකුටම එරටදී සිදුකළ යුතු පරික්ෂාවට යටත්ව එහිදී ලබාගන්නා වීසා බලපත්‍රයක් අනුව මෙරටට පැමිණිය යුතුව ඇත.

මෙයද ඉදිරී මාස කිහිපයේදී සංචාරක පැමිණීම් අඩු කිරීමට හේතුවක් වනු ඇත.එසේම සිය සංචාර අවලංගු නොකරමින් මෙරටට පැමිණෙන තනි තනි සංචාරයේ යෙදෙන චීන ජාතිකයන් ඉදිරියටත් මෙරට සංචාරක කර්මාන්තයේ වර්ධනය සඳහා දායක කරගැනීමත් මේ මොහොතේදී අවශ්‍යව ඇති කරුණකි. මෙරට සිටින චීන සංචාරකයන් කිහිප දෙනෙකුටම මෙරට ජනතාවගෙන් සිදුවුණු අඩත්තේට්ටම් පිළිබඳව වාර්තාවී ඇත.

ඊට පිළියමක් ලෙස සංචාරක අමාත්‍යාංශය, සෞඛ්‍ය අමාත්‍යාංශය හා එක්ව මෙරට සංචාරක ක්ෂේත්‍රයේ සියලුම පාර්ශ්ව වෙත මෙම කොරෝනා වසංගතය පිළිබඳව දැනුවත් කිරීමට කටයුතු යොදා ඇතැයි ඊයේ (29දා) නිවේදනයක් මගින් සඳහන් කර තිබුණි. එහිදී හෝටල් හා ලැගුම්හල් හිමියන් හා සේවකයන්, සංචාරක මඟපෙන්නන්, සංචාරක කුලී රථ රියැදුරන්, සංචාරක ත්‍රිරෝද රථ රියැදුරන් මේ පිළිබඳව දැනුවත් කිරීම අරමුණ වී ඇත.

පෙරේදා (28) දිනය අවසන් වනවිට මෙම නව කොරෝනා වෛරසය නිසා මිය ගිය චීන ජාතිකයන් සංඛ්‍යාව 132ක් දක්වා ඉහළ නැග තිබුණි. එසේම වෛරසය ආසාදනය වූ බවට ස්ථිර වූ සංඛ්‍යාව 5,974ක් ලෙසත්, වෛරසය ආසාදනය වූ බවට සැක කෙරෙන සංඛ්‍යාව 9,239ක් ලෙසත් සඳහන් විණි.

එහෙත් මේ වනවිට වසංගතය පාලනය සඳහා චීන රජය මැදිහත්ව ක්‍රියා කරමින් සිටීමත් එය පිටුදැකීම කොරෝනා වෛරසය පිළිබඳ බිය තුරන්ව යනු ඇතැයි සැමගේම විශ්වාසය වී තිබේ.

චීන සංචාරක පැමිණීම අඩුවීමට අමතරව ලොව පුරා පවතින නව කොරෝනා වෛරස් බිය නිසා ලොව අනෙකුත් සංචාරකයන්ගේ සංචරක අවස්ථාවද යම් ප්‍රතිශතයකින් අඩු වීමට හැකියාවක් පවතී.

එහිදී ශ්‍රී ලංකාව තුළද නව කොරෝනා වෛරස ආසාදිතයෙකු හමුවීමත්, තවත් කිහිප දෙනෙකු පිළිබඳව පරික්ෂා කිරීමත් සංචාරකයන්  තුළ මෙරට සෞඛ්‍ය ආරක්ෂණ තත්ත්වය පිළිබඳව ගැටලු ඇති කිරීමටද හේතුවක් වී ඇත.

කෙසේ වෙතත් ශ්‍රී ලංකාවේ සංචාරක කර්මාන්තය සැලකිය යුතු ලෙස අඩපණ කිරීමට මෙම මාස තුන තුළදී සිදුවන සංචාරක පැමිණිහි අඩුවීම හේතුවක් වීම අනිවාර්ය වී තිබේ. එය පාස්කු ප්‍රහාරයෙන් සිදුවූ සංචාරක හානිය තරමටම දරුණු කර නොගැනීම බලධාරීන්ගේ මෙන්ම ජනතාවගේද වගකීමක් වී තිබේ.

ඒ සඳහා මෙම නව කොරෝනා වෛරසය පිළිබඳව පවතින කටකතා නොව සැබෑ සත්‍යය පිළිබඳ දැනුමින් සහ අවබෝධයෙන් සිටීම අතිශය වැදගත් වෙයි.

භානුක අමරසිංහ



ඔබේ ප්‍රතිචාරය කුමක්ද?

Read Other News

Close Menu