දින 40කට ප්‍රථම මියගිය කාන්තාවකගේ මළ සිරුරක් කළුතර ප්‍රධාන මහෙස්ත්‍රාත් චන්දිම එදිරිමාන්න මහතාගේ අධීක්ෂණය යටතේ 14 වැනිදා පස්වරුවේ වස්කඩුව පොදු සුසාන භූමියේදී ගොඩගන්නා ලදී.
ගොඩගනු ලැබුවේ පෙබරවාරී 02 වැනි දින රිය අනතුරකින් මියගිය කුඩා වස්කඩුව වෙලේ පන්සල පාරේ පදිංචිව සිටි සිවුදරු මවක වන 35 හැවිරිදි ඒ. කුමුදිනි උදේශිකා මහත්මියගේ දේහයයි.
තම ස්වාමි පුරුෂයා සහ දරුවන් සමඟින් සීගිරිය ප්‍රදේශයේ හෝටලයකට යමින් සිටියදී කුරුණගල
රිය අනතුර සිදුවන අවස්ථාවේ කාර් රථය පැදවූ සැමියා කුරුණෑගල පොලිසිය පසුගිය 09දා වස්කඩුවේදී සැකපිට අත්අඩංගුවට ගෙන කුරුණෑගල අධිකරණය වෙත ඉදිරිපත් කිරීමේන් පසු කුරුණෑගල මහෙස්ත්‍රාත් ඩී.සී.එස්. හේවාවසම් මහතා ලබන 22දා දක්වා රක්ෂිත බන්ධනාගාර ගතකර ඇත.
දැනට රක්ෂිත බන්ධනාගාර ගතකර සිටින සැකකරු අලුත්ගම ප්‍රදේශයේ පදිංචිකරුවකු වන අතර ඔහු රත්මලාන ගුවන් හමුදා කඳවුරේ රාජකාරි කරන බව පැවැසේ.
කුරුණෑගල මහෙස්ත්‍රාත් අධිකරණය නියෝගය මත දේහය නැවත ගොඩගත් බව පොලිසිය පවසයි. දේහය පසුගිය පෙබරවාරි 04 දින භූමදාන කර ඇති අතර මළසිරුර ගොඩගන්නා අවස්ථාවේ මදක් නරක් වී තිබූ බව දැකගන්නට හැකි වීය. මෙම අවස්ථාව දැක බලා ගැනීම සඳහා ප්‍රදේශවාසීහු විශාල පිරිසක් එක්ව සිටියහ.
-සුමිත් රණවක-
