සුනඛයන්ගේ සපාකෑමට ලක්ව මාගෙදර කරුවලගල ප‍්‍රදේශයේ තේ වත්තක වැටී සිටි ගෝනකු ප‍්‍රතිකාර සඳහා යක්කලමුල්ල පොලිසියේ නිලධාරීන් විසින් පෙරේදා (23 දා) පස්වරුවේ හියාරේ සත්ත්ව රෝහලට රැගෙන යෑමට කටයුතු කරනු ලැබීය.
සුනඛයන්ගේ සපා කෑමට
දැඩි නියඟයත් සමග වර්ෂාව පතිතවීම නිසා දලූලා ඇදී තිබු ලා තණ කොළ කෑම සඳහා ගෝනා කැලයේ සිට ගම්මානයට පැමිණෙන්නට ඇති බවට පොලිසිය පවසයි. ගාල්ල වනජීවි සංරක්ෂණ සංගමය මගින් හියාරේ සත්ත්ව රෝහල පවත්වාගෙන යයි. යක්කලමුල්ල පොලිසියේ නිලධාරීන් විසින් කළ මේ උතුම් ක‍්‍රියාව ගම්මුන්ගේ දැඩි පැසසුමට ලක්ව ඇත.
- ලලිත් චාමින්ද සහ එස්. කේ. කළුආරච්චි-
