අධිකරණ වෙත ගෙනයන සැකකරුවන්ට හා සිරකරුවන්ට ආරක්ෂාව සැලසීම සඳහා ජවසම්පන්න තරුණ බන්ධනාගාර නියාමක නිලධාරීන් පමණක් යෙදවීමට බන්ධනාගාර දෙපාර්තමේන්තුවේ අවධානය යොමුව තිබේ.
තරුණ බන්ධනාගාර නිලධාරීන්ගේ ආරක්ෂාව ඔවුන් වෙනුවෙන් එසේ යොදවන අතරතුර ඔවුන් වෙනුවෙන් අධිකරණවල සිදු කෙරෙන ලියකියවිලි සම්බන්ධ කටයුතු සඳහා බන්ධනාගාර ජේ‍යෂ්ඨ නියාමක නිලධාරීන් යෙදවීමටද බන්ධනාගාර දෙපාර්තමේන්තුවේ අවධානය යොමුව ඇත.
මේ සම්බන්ධයෙන් බන්ධනාගාර මාධ්‍ය ප්‍රකාශක තුෂාර උපුල්දෙණිය මහතාගෙන් විමසීමේදී කියා සිටියේ පසුගියදා බද්දේගම අධිකරණයෙන් සැකකරුවන් හය දෙනකු පැනයෑමේ සිද්ධිය පිළිබඳව අවධානය යොමු කරමින් මෙම පියවර ගැනීමට අදහස් කර ඇති බවත් එසේ ආරක්ෂාව සඳහා යෙදවීමට බලාපොරොත්තු වන නිලධාරීන්ට විශේෂ පුහුණුවක් ලබාදීමටද අවධානය යොමුව ඇති බවත්ය.
