මහරගම පොලිස් වසමේ ගම්මාන කිහිපයක නිවෙස්වලට, දැනට දින පහළොවක පමණ කාලයක සිට, පාන්දර දෙකට, තුනට පමණ ඇතුළුවී නිදාගෙන සිටින කාන්තාවන්ගේ ඇඟ අත පත ගාන සලෙළුන් පොලිස් අත්අඩංගුවට ගැනීමට, මහරගම පොලිසිය මෙතෙක් අසමත්ව සිටින බැවින්, මෙම දිනවල රාත්‍රි කාලයේ නොනිදා බියෙන් තැතිගෙන රැය පහන් කිරීමට තමන්ට සිදුව ඇතැයි, එසේ අතවරවලට ලක්වූ කාත්තාවන් කිහිප දෙනකු පවැසූහ.
පන්සල පාරේ සහ කැන්දහේන
තමන්ට සිදු වූ අතරවරය ගැන මහරගම පොලිසියේ අදාළ පොලිස් නිලධාරියා ප්‍රකාශ කළ මොහොතේ
" ඇඟවල් අතපත ගෑවාම මොකද වෙන්නේ" යනුවෙන් ඒ අසල සිටි එක් පොලිස් නිලධාරියකු කියනු තමන්ට ඇසුණු බවද එම කාත්තාවෝ ප්‍රකාශ කරති. මෙම සලෙළුන්ගේ ආරක්ෂකයා ව සිටින්නේ එම පොලිස් නිලධාරියා ද යන්න තමන්ට ඒ අවස්ථාවේ සැකයක් උපන් බවද ඔවුහු කියති. මහරගම පොලිස් ස්ථාන භාර නිලධාරී, ප්‍රධාන පොලිස් පරීක්ෂක ටී.එෆ්. මීඩින් මහතාගෙන් මේ සම්බන්ධ ප්‍රශ්න කිරීමේදී ඔහු ප්‍රකාශ කර සිටියේ එසේ පැමිණිලි භාර ගැනීම ප්‍රතික්ෂේප කළ නොහැකි බවත්, මෙම දිනවලට රාත්‍රි කාලයේ කොට්ටාව පොලිසිය සමඟ එක්ව වැටලීම් කිහිපයක්ම සිදුකළ නමුත් සැකකරුවන් පොලිස් අත්අඩංගුවට ගැනීමට මෙතෙක් තමන්ට නොහැකි වූ බවත්ය.
