Sinhala Edition English Edition
Facebook Official Fanpage Google+ Official Page Official Twitter Account Rss Feed

Latest News

Advertisement

Trending

Contact Gossip Editor

Gossip Lanka ලිපි ඔබේ Email ට ගෙන්වාගන්න


මුව මස් සමඟ හසුවූ කොස්තාපල් වරයාගේ
අබිරහස් මරණය


මුවමස් තොගයක් සමඟ වන ජිවී නිලධාරීන් විසින් අත්අඩංගුවට ගෙන මුදා හරින ලද 30 හැවිරිදි පොලිස් කොස්තාපල්වරයකු අබිරහස් ලෙස මියයාමේ සිද්ධියක් වාර්තාවේ.
මියගොස් ඇත්තේ කරුවලගස්වැව පොලිසියට අනුයුක්තව සේවය කරමින් සිටි පොලිස් කොස්තාපල් නාලක චතුරංග හෙට්ටිආරච්චි (72657) (අවු.30) නමැති කරුවලගස්වැව, කුඩා මැදවච්චිය පදිංචි එක්දරු පියෙකි.
මියගොස් ඇති පොලිස් නිලධාරියා වසර කිහිපයකට පෙර
හදිසි අනතුරකට ලක්ව සිටින ආබාධිතයකු බැවින් ඔහුට සාමාන්‍ය රාජකාරි පමණක් පැවැරීමට උසස් නිලධාරීන් කටයුතු කර තිබී ඇත.

පසුගිය 10 වැනිදා සවස රාජකාරි අවසන් කර ඇති පොලිස් කොස්තාපල්වරයා නිවෙසට ගොස් සිටියදී එදින රාත්‍රියේ වන ජීවි නිලධාරීන් විසින් කළ වැටලීමකදී පොලිස්

කොස්තාපල්වරයාගේ නිවෙසේ තිබී මුව මස් කිලෝ ග්‍රෑම් 15යි ග්‍රෑම් 600ක්ද ඒ ආසන්නයේ පිහිටි ඔහුගේ සහෝදරයාගේ නිවෙසේ තිබී මුව මස් කිලෝ ග්‍රෑම් 11යි ග්‍රෑම් 800ක්ද සොයාගෙන ඇත. පසුව පොලිස් කොස්තාපල්වරයා සහ ඔහුගේ සහෝදරයාද, තවත් අයකුද අත්අඩංගුවට ගෙන ඇත. වැටලීම කළ නිලධාරීන් ඔවුන් කරුවලගස්වැව පිහිටි වන ජීවී කාර්යාලයට කැඳවාගෙන ගොස් ඇත.
පොලිස් කොස්තාපල්වරයාව එදිනම රාත්‍රියේ ඇප මත මුදා හැර ඇති වන ජීවී නිලධාරීන් ඔහුගේ සහෝදරයා සහ අනෙක් පුද්ගලයා පසුදින (11දා) අලුයම මුදා හැරීමට කටයුතු කර ඇත.

පෙරේදා (11දා) අලුයම නිවෙසේ මුළුතැන් ගෙය අසල කොස්තාපල්වරයා බිම වැටී සිටියදී ඔහුගේ පවුලේ අයට හමුවී ඇති අතර, ඒ වනවිටත් ඔහු මියගොස් සිට ඇත. මේ සම්බන්ධයෙන් කරුවලගස්වැව පොලිසියට දැනුම්දීමෙන් අනතුරුව පරීක්ෂණ ආරම්භ කර ඇත.
පොලිස් කොස්තාපල්වරයා බිම වැටී සිටි ස්ථානයට ආසන්නයෙන් පැරැණි කෘමි නාශක බෝතලයක්ද පොලිස් කොස්තාපල්වරයාට අයත් බව කියන ජංගම දුරකතනයක්, මුදල් පසුම්බියක් සහ යතුරුපැදියක්ද තිබී හමුවී ඇත. කොස්තාපල්වරයාගේ මුවෙන් කිසිදු කෘමිනාශක දුගඳක් වහනය නොවන බව විමර්ශන කටයුතු සිදුකරන නිලධාරීහු කියති.

පුත්තලම වැඩබලන මහෙස්ත්‍රාත් ෆසාල් අබුතාර් මහතා පෙරේදා (11දා) සවස සිද්ධිය වූ ස්ථානයට ගොස් මූලික මහෙස්ත්‍රාත් පරීක්ෂණය සිදුකරන ලදී. අනතුරුව මළ සිරුර සම්බන්ධයෙන් පශ්චාත් මරණ පරීක්ෂණය පවත්වා අධිකරණයට වාර්තා කරන ලෙස වැඩ බලන මහේස්ත්‍රාත්වරයා පුත්තලම අධිකරණ වෛද්‍ය නිලධාරිවරයාට නියෝග කළේය. ඒ අනුව මළ සිරුර පුත්තලම මූලික රෝහල වෙත ගෙන යෑමට පොලිස් නිලධාරීන් කටයුතු කරන ලදී.
පොලිස් කොස්තාපල්වරයා මියගොස් ඇත්තේ කුමන ආකාරයකටද යන්න මෙතෙක් අනාවරණය වී නැතැයි පොලිසිය කියයි.
කරුවලගස්වැව පොලිසිය වැඩිදුර විමර්ශන කටයුතු කරගෙන යයි.

(නාත්තණ්ඩිය - සමන්ප්‍රිය ජයශාන්ත , කරුවලගස්වැව - එස්.ලියනාරච්චි, හලාවත _ ඔස්ටින් ෆ්‍රැන්සිස්)









Gossip Lanka Previous News

තවත් පුවත්

gossip lanka, gossiplankanews.com, gossiplanka, gosiplanka, gossiplankanews, gossiplanka.lk, gossiplanka.com,hiru,hirugossip,neth,neth gossip, sinhala, hot, sri lanka, wedding, rumours,facebook,lankanews, dehiwala, moratuwa, colombo, rajagiriya, kandy, galle, kurunegala, nugegoda, negombo, matara, anuradhapura,kalutara, gampaha, jaffna

Gossip Lanka Side News

Advertisement

Latest Picture Collections

Gossip Lanka Stat